LIVE TV
തിരാന: അല്‍ബേനിയയില്‍ സര്‍ക്കാര്‍ വിരുദ്ധ സമരം അക്രമാസക്തമാകുന്നതായി റിപ്പോര്‍ട്ട്. പ്രതിഷേധക്കാര്‍ പൊലീസിന് നേരെ പെട്രോള്‍ ബോംബ് ഉപയോഗിച്ചു. പ്രതിഷേധക്കാര്‍ പൊലീസിന് നേരെ കല്ലെറിഞ്ഞെന്നും റിപ്പോര്‍ട്ടുണ്ട്. ശനിയാഴ്ച സമാധാനപരമായി വിദ്യാഭ്യാസ വകുപ്പിന് പുറത്ത് ആരംഭിച്ച സമരം പിന്നീട് അക്രമാസക്തമാവുകയായിരുന്നു. പൊലീസ് ജലപീരങ്കയും ലാത്തിയും പ്രയോഗിച്ചാണ് പ്രതിഷേധക്കാരെ നേരിട്ടത്. പ്രതിഷേധത്തില്‍ പങ്കെടുത്ത 18 വയസില്‍ താഴെ പ്രായമുള്ള 269 വിദ്യാര്‍ത്ഥികള്‍ അറസ്റ്റിലായിട്ടുണ്ട്. അക്രമാസക്തമായ സമരം നടത്തുന്നവര്‍ക്ക് നേരെ 5500 യൂറോ പിഴ ഈടാക്കുമെന്ന് സര്‍ക്കാര്‍ പ്രഖ്യാപിച്ചിരുന്നു.
യുഎസ് പ്രസിഡന്റ് ഡോണള്‍ഡ് ട്രംപിന്റെ മരുമകന്‍ ജാരെഡ് കുഷ്നറുമായി ബന്ധമുള്ള, സംരക്ഷിത പ്രകൃതി സംരക്ഷണ മേഖലയിലെ ഒരു ആഡംബര ഹോട്ടല്‍ പദ്ധതിക്കെതിരായ പ്രതിഷേധത്തില്‍ നിന്നാണ് മെയ് മാസത്തില്‍ ഈ പ്രക്ഷോഭങ്ങള്‍ ആരംഭിച്ചത്. അഴിമതി ആരോപണങ്ങളെത്തുടര്‍ന്നുണ്ടായ ഈ പ്രക്ഷോഭങ്ങള്‍ക്ക് കൃത്യമായ നേതൃത്വമുണ്ടായിരുന്നില്ലെങ്കിലും തുടക്കത്തില്‍ ഇവ സമാധാനപരമായിരുന്നു. എന്നാല്‍ ഒക്ടോബര്‍ പകുതിയോടെ, സമരം അക്രമാസക്തമായ മാറി. ആരോഗ്യരംഗത്തെ പോരായ്മകള്‍, തൊഴിലവസരങ്ങളുടെ കുറവ്, മോശം വിദ്യാഭ്യാസ നിലവാരം തുടങ്ങി യുവാക്കള്‍ നേരിടുന്ന വിവിധ പ്രശ്‌നങ്ങള്‍ക്കെതിരെയുള്ള രോഷപ്രകടനങ്ങളായി ഇവ പരിണമിച്ചു. പ്രധാനമന്ത്രി എഡി രാമ രാജി വെക്കണമെന്നാണ് പ്രതിഷേധക്കാരുടെ ആവശ്യം. പ്രക്ഷോഭകര്‍ സര്‍ക്കാര്‍ കെട്ടിടങ്ങള്‍ക്കും ബാങ്കുകള്‍ക്കും തീയിടുകയും, കടകളുടെ ചില്ലുകള്‍ തകര്‍ക്കുകയും, നടപ്പാതയിലെ കല്ലുകള്‍ ഇളക്കിയെടുത്ത് പോലീസിന് നേരെ എറിയുകയും ചെയ്തു എന്നാണ് അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നത്.
2013 മുതല്‍ ഭരണത്തിലിരിക്കുന്ന എഡി രാമ സര്‍ക്കാര്‍ കഴിഞ്ഞ വര്‍ഷമാണ് നാലാം തവണ അധികാരത്തിലെത്തിയത്. രാമയ്ക്ക് ഈ പ്രക്ഷോഭം ഇതുവരെയുള്ളതില്‍ വെച്ച് ഏറ്റവും വലിയ വെല്ലുവിളിയാണ് ഉയര്‍ത്തുന്നത്. ശനിയാഴ്ച തിരാനയിലെ വിദ്യാഭ്യാസ മന്ത്രാലയത്തിന് പുറത്ത്, മഴയത്ത് സമാധാനപരമായി ആരംഭിച്ച ശനിയാഴ്ചത്തെ പ്രകടനം, പിന്നീട് അക്രമാസക്തമായി മാറുകയായിരുന്നു. നിരവധി യുവാക്കള്‍ പൊലീസിന് നേരെ കല്ലുകളും പെട്രോള്‍ ബോംബുകളും എറിയുകയും മാലിന്യത്തൊട്ടികള്‍ക്ക് തീയിടുകയും ചെയ്തു. രാജ്യത്ത് നടക്കുന്ന പ്രതിഷേധങ്ങളില്‍ ഇതുവരെ 350 പേര്‍ക്ക് പരിക്കേറ്റതായി ആഭ്യന്തര മന്ത്രി എര്‍വിന്‍ ഡെമോ വെള്ളിയാഴ്ച അറിയിച്ചു. ഇതില്‍ ഏകദേശം 200 പൊലീസ് ഉദ്യോഗസ്ഥരും 40-ഓളം വഴിയാത്രക്കാരും ഉള്‍പ്പെടുന്നു.
Content Highlights: Anti-government protests in Albania turned violent after demonstrators allegedly attacked police with petrol bombs and stones. The protest began peacefully outside the Education Ministry on Saturday but later escalated, prompting police to use water cannons and batons. A total of 269 students under the age of 18 were arrested in connection with the demonstration. The government had announced a fine of 5,500 euros for those participating in violent protests.
