LIVE TV
അബുദാബി ബിഗ് ടിക്കറ്റ് ഏപ്രിൽ മാസത്തെ നറുക്കെടുപ്പിൽ ഗ്രാൻ്റ് പ്രൈസ് സ്വന്തമാക്കി മലയാളി വനിത. രണ്ട് കോടി ദിർഹം (ഏകദേശം 45 കോടിയിലധികം രൂപ) ആണ് സമ്മാനത്തുക. നിലവിൽ ദുബായിലുള്ള ഷാമോൺ ഷാജിയ്ക്കാണ് ഈ വലിയ ഭാഗ്യം തേടിയെത്തിയിരിക്കുന്നത്. വെറും മൂന്ന് മാസമായി മാത്രമാണ് ഷാമോൺ ബിഗ് നറുക്കെടുപ്പിൽ പങ്കെടുക്കുന്നത്. സമ്മാനത്തുക എന്ത് ചെയ്യാനാണ് പദ്ധതിയെന്ന ചോദ്യത്തിന്, താൻ ഇതുവരെ തീരുമാനമൊന്നും എടുത്തിട്ടില്ലെന്നായിരുന്നു ഷാമോണിന്റെ മറുപടി.
"ഞങ്ങൾ കേരളത്തിൽ ബിസിനസ് ചെയ്യുകയാണ്. മാതാപിതാക്കൾ ഇവിടെയുള്ളതുകൊണ്ട് അവരെ സന്ദർശിക്കാൻ വന്നതാണ്," ഷാമോൺ പറഞ്ഞു. ബിഗ് ടിക്കറ്റിന്റെ ലൈവ് കണ്ടാണ് ഷാമോൺ തന്റെ ഭാഗ്യം തിരിച്ചറിഞ്ഞത്. പിന്നാലെ ബിഗ് ടിക്കറ്റ് അധികൃതർ ഫോണിൽ വിളിച്ച് വിജയം അറിയിക്കുകയും ചെയ്തു.
ഷാർജയിൽ താമസിക്കുന്ന പ്രവാസിക്കാണ് ബിഗ് ടിക്കറ്റ് ആഡംബര കാർ സമ്മാനമായി ലഭിച്ചത്. ഇതുകൂടാതെ, അഞ്ച് ഭാഗ്യശാലികൾക്ക് 200 ഗ്രാം വീതമുള്ള 24 കാരറ്റ് സ്വർണ്ണ ബിസ്ക്കറ്റുകൾ വീതം ആശ്വാസ സമ്മാനമായി ലഭിച്ചു. ഇവർ അബുദാബി, പാലസ്തീൻ, ഇന്ത്യ, ബംഗ്ലാദേശ് എന്നിവടങ്ങളിൽ നിന്നുള്ളവരാണ്.
Content Highlights: A Malayali woman secures a massive win in the Big Ticket April draw in the UAE, marking a significant achievement for the expatriate community.
