LIVE TV
മലയാളികൾക്ക് ഏറെ പ്രിയപ്പെട്ട നടൻ ആണ് ദുൽഖർ സൽമാൻ. ഓണം റിലീസായി എത്തുന്ന ഐ ആം ഗെയിം എന്ന സിനിമയ്ക്കായുള്ള കാത്തിരിപ്പിലാണ് ദുൽഖർ ആരാധകർ. ഇപ്പോഴിതാ നടന്റെ പിറന്നാൾ ദിനത്തിൽ ഐ ആം ഗെയിം ഉൾപ്പെടെ മൂന്ന് സിനിമകളുടെ അപ്ഡേറ്റുകൾ ആണ് പുറത്തുവരുന്നത്.
ദുൽഖർ സൽമാനെ നായകനാക്കി, നവാഗതനായ രവി നെലകുടിറ്റി സംവിധാനം ചെയ്ത് എസ്എൽവി സിനിമാസ് നിർമിക്കുന്ന ചിത്രമാണ് ശ്രീ ശ്രീ. പൂജ ഹെഗ്ഡെ നായികയായി എത്തുന്ന സിനിമ ഒരു റൊമാന്റിക് ഡ്രാമയായിട്ടാണ് ഒരുങ്ങുന്നത്. ചിത്രത്തിലെ ആദ്യ ഗാനം ഇന്ന് വൈകുന്നേരം 5 ന് പുറത്തുവരും. ജിവി പ്രകാശ് കുമാർ ആണ് സിനിമയ്ക്കായി സംഗീതം ഒരുക്കുന്നത്. ഈ വർഷം ഡിസംബറിൽ ചിത്രം റിലീസാകും. ദുൽഖർ സൽമാൻ- പൂജ ഹെഗ്ഡെ ടീം ആദ്യമായി ഒന്നിക്കുന്ന ചിത്രം കൂടിയാണിത്. സംവിധായകൻ രവി നെലകുടിറ്റി തന്നെയാണ് ചിത്രം രചിച്ചിരിക്കുന്നതും. ദീക്ഷിത് ഷെട്ടി ആണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.
What a lineup for #DulquerSalmaan Birthday Week 🥵🔥
— asɧɯα (@melomaniacfx) July 26, 2026
✅ #SriSri First Single
✅ #AOT First Single
✅ #ImGame Trailer
And there could be one more surprise waiting 👀✨
Absolute feast for fans 🥰❤️🔥 pic.twitter.com/dovaQWUDzl
മലയാളികൾ ഏറെ പ്രതീക്ഷയോടെ കാത്തിരിക്കുന്ന ഐ ആം ഗെയ്മിൻ്റെ അപ്ഡേറ്റും നാളെ പുറത്തിറങ്ങും. നേരത്തെ ആദ്യ അപ്ഡേറ്റ് ആയി സിനിമയിലെ ഗാനമാകും പുറത്തുവരുന്നത് എന്നായിരുന്നു റിപ്പോർട്ടുകൾ. എന്നാൽ ഇപ്പോൾ ട്വിറ്റർ ട്രാക്കർമാരുടെ റിപ്പോർട്ട് പ്രകാരം സിനിമയുടെ ടീസർ ആണ് ദുൽഖറിന്റെ പിറന്നാൾ ദിനത്തിൽ പുറത്തുവരുന്നത്. ആഗസ്റ്റ് 20 നാണ് ചിത്രം പുറത്തുവരുന്നത്. തെന്നിന്ത്യയിലെ നൂറിലധികം ലൊക്കേഷനുകളിലായി ചിത്രീകരണം പൂര്ത്തിയായ ചിത്രം സംവിധാനം ചെയ്തത് നഹാസ് ഹിദായത് ആണ്. ദുല്ഖറിന്റെ കരിയറിലെ തന്നെ ഏറ്റവും വലിയ ചിത്രമായാണ് 'ഐ ആം ഗെയിം' ഒരുങ്ങുന്നത്. വേഫെറര് ഫിലിംസിന്റെ ബാനറില് ദുല്ഖര് സല്മാന്, ജോം വര്ഗീസ് എന്നിവര് ചേര്ന്ന് നിര്മ്മിക്കുന്ന ചിത്രം രചിച്ചത് ഷഹബാസ് റഷീദും ആദര്ശ് സുകുമാരനും ചേര്ന്നാണ്.
ദുൽഖറിനെ നായകനാക്കി പവൻ സദിനേനി സംവിധാനം ചെയ്യുന്ന തെലുങ്ക് ചിത്രമാണ് 'ആകാശം ലോ ഒക താര'. ഏറെ പ്രേക്ഷക- നിരൂപക പ്രശംസകൾ നേടിയ ലക്കി ഭാസ്കറിന് ശേഷം തെലുങ്കിൽ ദുൽഖർ നായകനായി എത്തുന്ന ചിത്രം കൂടിയാണിത്. ചിത്രത്തിലെ ആദ്യ ഗാനം പിറന്നാൾ ദിനമായ നാളെ പുറത്തിറാജും. വലിയ പ്രതീക്ഷയിലാണ് ചിത്രത്തെ പ്രേക്ഷകർ നോക്കികാണുന്നത്. ജി.വി പ്രകാശ് കുമാറാണ് ചിത്രത്തിന് വേണ്ടി സംഗീതമൊരുക്കുന്നത്. സന്ദീപ് ഗണ്ണവും രമ്യ ഗണ്ണവും ചേർന്ന് നിർമ്മിക്കുന്ന ഈ വമ്പൻ ചിത്രം തെലുങ്കിലെ പ്രശസ്ത നിർമ്മാണ കമ്പനികളായ ഗീത ആർട്സ്, സ്വപ്ന സിനിമ, ലൈറ്റ്ബോക്സ് മീഡിയ എന്നിവർ ചേര്ന്നാണ് അവതരിപ്പിക്കുന്നത്.
Content Highlights: Dulquer Salmaan's birthday is set to be a treat for fans, with three major updates expected, including one related to I Am Game. The announcements have generated excitement across social media as fans eagerly await official reveals.
