LIVE TV
അക്ഷയ് കുമാറിനെ നായകനാക്കി അഹ്മദ് ഖാൻ ഒരുക്കിയ കോമഡി ചിത്രമാണ് വെൽക്കം ടു ദി ജംഗിൾ. വമ്പൻ താരനിര അണിനിരക്കുന്ന സിനിമ വെള്ളിയാഴ്ച ലോകമെമ്പാടും തിയേറ്ററിലെത്തി, സമ്മിശ്ര പ്രതികരണം നേടുന്ന സിനിമയ്ക്ക് കളക്ഷനിൽ മുന്നേറ്റമുണ്ടാക്കാൻ കഴിയുന്നുണ്ട്. രണ്ട് ദിവസങ്ങൾ പിന്നിടുമ്പോൾ ആഗോളതലത്തിൽ 59.40 കോടിയാണ് ചിത്രം വാരിക്കൂട്ടിയത്.
ആദ്യ ദിനം 19.40 കോടി നേടിയ സിനിമ രണ്ടാം ദിനം 21.02 കോടി നേടി. അക്ഷയ് കുമാറിനൊപ്പം രവീണ ടണ്ടൻ, സുനിൽ ഷെട്ടി, ദിഷ പടാനി, ജാക്വലിൻ ഫെർണാണ്ടസ്, അർഷാദ് വാർസി, ജാക്കി ഷ്റോഫ്, പരേഷ് റാവൽ, ലാറ ദത്ത, ഫരീദ ജലാൽ, ജോണി ലിവർ, ശ്രേയസ് തുസ്പാൽ, യൗവ്വ രാജ്, തൽപാഡെ, ശ്രേയസ് തസ്പാൽ, തൽപാഡെ, അഭിഷേക്, കിക്കു ശർദ, ദലേർ മെഹന്ദി, അഫ്താബ് ശിവദാസനി, മുകേഷ് തിവാരി, യശ്പാൽ ശർമ്മ, കിരൺ കുമാർ, സാക്കിർ ഹുസൈൻ, വിന്ദു ദാരാ സിംഗ്, ഉർവശി റൗട്ടേല തുടങ്ങിയവരും സിനിമയിലുണ്ട്. നീരജ് വോറയുടെ കഥയ്ക്ക് സംഭാഷണങ്ങൾ രചിച്ചിരിക്കുന്നത് ഫർഹാദ് സാംജി ആണ്. ഭൂത് ബംഗ്ല ആണ് അവസാനം പുറത്തുവന്ന അക്ഷയ് കുമാർ ചിത്രം.
സിനിമ തിയേറ്ററിൽ 200 കോടി നേട്ടം ഉണ്ടാക്കിയിട്ടുണ്ട്. സാക്നില്കിന്റെ കണക്ക് പ്രകാരം 26 ദിവസം കൊണ്ട് ആഗോള ബോക്സ് ഓഫീസില് നിന്ന് ചിത്രം നേടിയിരിക്കുന്നത് 243 കോടിയാണ്. ഇന്ത്യയില് നിന്ന് ഇതുവരെ നേടിയിരിക്കുന്ന നെറ്റ് കളക്ഷന് 160.10 കോടിയും ഗ്രോസ് 189.97 കോടിയും. 53.15 കോടിയാണ് ഇതുവരെയുള്ള വിദേശ ഗ്രോസ്. ആകാശ് എ കൗഷിക്കിന്റെ കഥയ്ക്ക് റോഹന് ശങ്കര്, അഭിലാഷ് നായര്, പ്രിയദര്ശന് എന്നിവര് ചേര്ന്നാണ് തിരക്കഥ എഴുതുന്നത്. അക്ഷയ് കുമാറിനൊപ്പം വമിഖ ഗബ്ബി, തബു, പരേഷ് റാവല്, അസ്രാണി, രാജ്പാല് യാദവ് തുടങ്ങിയവരും ചിത്രത്തില് പ്രധാന വേഷത്തിൽ എത്തിയിരുന്നു. 2021 ല് റിലീസ് ചെയ്ത ഹങ്കാമ 2 വിന് ശേഷം പ്രിയദര്ശന് സംവിധാനം ചെയ്യുന്ന ബോളിവുഡ് ചിത്രം കൂടിയാണ് ഭൂത് ബംഗ്ല.
Content Highlights: Akshay Kumar's Welcome to the Jungle is continuing its strong run at the global box office, emerging as one of the actor's biggest recent successes with impressive worldwide collections.
