LIVE TV
ജിയോ സ്റ്റുഡിയോസും ബി 62 സ്റ്റുഡിയോസും ചേര്ന്ന് നിര്മ്മിച്ച, ആദിത്യ ധര് - രണ്വീര് സിങ് ചിത്രം 'ധുരന്ധര്: ദി റിവഞ്ച്' തീയേറ്ററുകളില് വിജയകരമായി 100 ദിവസം പൂര്ത്തിയാക്കി. ഇന്ത്യന് സിനിമയിലെ ബോക്സ് ഓഫീസ് ചരിത്രം മാറ്റിയെഴുതിയ ചിത്രം ആദ്യ ഭാഗത്തിന്റെ വന് വിജയത്തെയും മറികടക്കുന്ന പ്രകടനമാണ് ബോക്സ് ഓഫീസില് കാഴ്ചവെച്ചത്. ധുരന്ധര്: ദി റിവഞ്ച്' ഇതുവരെ നേടിയത് 1,813.39 കോടി രൂപയാണ്. ആഗോള ബോക്സ് ഓഫീസില് ഏറ്റവും കൂടുതല് കളക്ഷന് നേടുന്ന ഇന്ത്യന് സിനിമയായി മാറിയിരിക്കുകയാണ് ചിത്രം.
'ധുരന്ധര് 2' ഒരേസമയം ജിയോഹോട്ട്സ്റ്റാര്, നെറ്റ്ഫ്ലിക്സ് എന്നീ രണ്ട് വമ്പന് ഒടിടി പ്ലാറ്റ്ഫോമുകളില് സ്ട്രീമിംഗ് തുടരുമ്പോഴും തീയേറ്ററുകളിലേക്ക് പ്രേക്ഷകര് ഒഴുകിയെത്തുകയാണ്. വലിയ സ്ക്രീനില് തന്നെ ആസ്വദിക്കേണ്ട വമ്പന് ആക്ഷന് രംഗങ്ങളാണ് ചിത്രം സമ്മാനിക്കുന്നത് എന്നതാണ് പ്രേക്ഷകരെ തീയേറ്ററുകളില് തന്നെ നിലനിര്ത്തുന്നത്. ആദിത്യ ധര് രചനയും സംവിധാനവും നിര്വ്വഹിച്ച ചിത്രത്തില് രണ്വീര് സിംഗിന്റെ കരിയറിലെ ഏറ്റവും വലിയ മാസ്സ് പ്രകടനത്തിനാണ് കാണാന് സാധിക്കുന്നത്.
ജിയോ സ്റ്റുഡിയോസ് അവതരിപ്പിക്കുകയും ബി62 സ്റ്റുഡിയോസ് നിര്മ്മിക്കുകയും ചെയ്ത ഈ ചിത്രം ആദിത്യ ധര്, ജ്യോതി ദേശ്പാണ്ഡെ, ലോകേഷ് ധര് എന്നിവര് ചേര്ന്നാണ് നിര്മ്മിച്ചത്. കഴിഞ്ഞ മാര്ച്ച് 19-ന് തീയേറ്ററുകളിലെത്തിയ ചിത്രം ഹിന്ദി സിനിമയിലെ എക്കാലത്തെയും വലിയ വിജയങ്ങളിലൊന്നായി മാറിക്കഴിഞ്ഞു.
പ്രേക്ഷകരുടെ വമ്പന് ഡിമാന്ഡ് കാരണം, ഉറുഗ്വേ, ഉക്രെയ്ന്, ബള്ഗേറിയ, റൊമാനിയ, ചിലി, മെക്സിക്കോ, സൈപ്രസ് തുടങ്ങിയ പാരമ്പര്യേതര വിപണികളില് കൂടി ചിത്രം റിലീസ് ചെയ്തിട്ടുണ്ട്. ലോകം മുഴുവന് ചരിത്രം തിരുത്തിയെഴുതികൊണ്ടാണ് 'ധുരന്ദര് പ്രതികാരം' എന്ന കൊടുങ്കാറ്റ് ആഞ്ഞടിക്കുന്നത്.
Content Highlights: Dhurandhar: The Revenge'; Completes 100 days in theaters, global collection crosses Rs 1,800 crore. The film becomes the highest-grossing Indian film at the global box office
