LIVE TV
ഗള്ഫ് രാജ്യങ്ങളുമായുള്ള നയതന്ത്രം ശക്തിപ്പെടുത്താന് കുവൈറ്റ് കിരീടാവകാശിയുമായി കൂടിക്കാഴ്ച നടത്തി ഇന്ത്യന് വിദേശകാര്യ മന്ത്രി ഡോ.എസ് ജയശങ്കര്. ജൂലൈ 7 മുതല് 9 വരെ നീളുന്ന ഗള്ഫ് സന്ദര്ശനത്തിന്റെ ഭാഗമായാണ് കൂടിക്കാഴ്ച. ഔദ്യോഗിക സന്ദര്ശനത്തിനായി ചൊവ്വാഴ്ച കുവൈറ്റിലെത്തിയ ഇന്ത്യന് വിദേശകാര്യ മന്ത്രി ഡോ. ജയശങ്കറും പ്രതിനിധി സംഘവും കുവൈത്ത് കിരീടാവകാശി ഷെയ്ഖ് സബാഹ് ഖാലിദ് അല് ഹമദ് അല് സബാഹ് മായി കൂടിക്കാഴ്ച നടത്തി.
ഇന്ത്യ കുവൈത്ത് ദീര്ഘകാല സൗഹൃദ ബന്ധം കൂടുതല് ശക്തിപ്പെടുത്താനും വ്യാപാരം, നിക്ഷേപം, ഊര്ജ സുരക്ഷ, സാങ്കേതികവിദ്യ, വിദ്യാഭ്യാസം എന്നിങ്ങനെയുള്ള മേഖലകളിലെ സഹകരണം ശക്തിപ്പെടുത്തുന്നതിനും വിപുലീകരിക്കുന്നതിനും വേണ്ടിയുമായിരുന്നു ചര്ച്ച. പ്രാദേശികവും അന്തർദേശീയവുമായ പുതിയ സംഭവവികാസങ്ങളും മിഡിൽ ഈസ്റ്റിലെ സുരക്ഷയും സമാധാനവും ശക്തിപ്പെടുത്താനുള്ള നീക്കങ്ങളും കൂടിക്കാഴ്ചയിൽ പ്രധാന ചർച്ചാവിഷയങ്ങളായി. കൂടാതെ ഗള്ഫ് മേഖലയിലെ നിലവിലെ രാഷ്ട്രീയ സാഹചര്യങ്ങളും മറ്റും ഇരുപക്ഷവും അഭിപ്രായങ്ങള് പങ്കുവെച്ചു.
Content Highlight: India's External Affairs Minister held talks with the Kuwait Crown Prince to strengthen bilateral relations, cooperation and diplomatic ties between the two countries
