Get the latest news at
your fingertips!
Download our app now
LIVE TV
Search
ഗള്ഫ് മേഖലയില് നിന്ന് ഇന്ത്യയിലേക്കും തിരിച്ചും കൂടുതല് കൂടുതല് വിമാന സര്വീസുകള് ആരംഭിക്കുന്നു. കുടുങ്ങിക്കിടക്കുന്നവരെ എത്തിക്കാന് ഇന്ത്യയില് നിന്ന് എയര് ഇന്ത്യയുടെ കൂടുതല് വിമാനങ്ങള് ഗള്ഫിലേക്ക് എത്തും. കേരളം ഉള്പ്പെടെ വിവിധ ഇന്ത്യന് നഗരങ്ങളിലേക്ക് എയര് ഇന്ത്യ എക്സപ്രസ് നാളെ നാളെ സര്വീസുകള് തുടങ്ങും. സ്പൈസ് ജറ്റും ഇന്ഡിഗോയും ഗള്ഫില് നിന്ന് ഇന്ത്യയിലേക്ക് പ്രത്യേക സര്വീസ് ആരംഭിച്ചു. സുരക്ഷിത വ്യോമപാത ഉള്പ്പെടുന്ന പ്രത്യേക ഇടനാഴി തുറക്കുമെന്ന് യുഎഇ ഭരണകൂടവും വ്യക്തമാക്കി.
സംഘര്ഷങ്ങള്ക്ക് നേരിയ അയവ് വന്നതോടെ വിവിധ വിമാന കമ്പനികള് കൂടുതല് പ്രത്യേക വിമാന സര്വീസുകള് ആരംഭിക്കുകയാണ്. കൂടുതല് വിമാനങ്ങള് ഗള്ഫിലേക്ക് അയക്കുമെന്നാണ് എയര് ഇന്ത്യയുടെ പ്രഖ്യാപനം. കുടുങ്ങിക്കിടക്കുന്നവരെ തിരികെ എത്തിക്കുന്നതിനായി 350 സീറ്റുള്ള വിമാനങ്ങളാണ് ദില്ലി മുംബൈ എന്നിവിടങ്ങളില് നിന്ന് ദുബായ് സൗദി എന്നീ ഗള്ഫ് രാജ്യങ്ങളില് എത്തുന്നത്.
അതിനിടെ മസ്ക്കറ്റില് നിന്നുള്ള എയര് ഇന്ത്യാ എക്സ്പ്രസ്സ് സര്വീസുകള് സാധാരണ നിലയിലേയ്ക്ക് എത്തുകയാണ്. കൊച്ചി, കോഴിക്കോട്, ഡല്ഹി, മുംബൈ, മംഗലാപുരം സര്വീസുകള് നാളെ തുടങ്ങും. കൊച്ചി, മുംബൈ, ഡല്ഹി എന്നിവിടങ്ങളിലേക്ക് അധിക സര്വീസുകളും ഉണ്ടാകുമെന്ന് എയര് ഇന്ത്യാ എക്സ്പ്രസ്സ് വ്യക്തമാക്കി സൗദി അറേബ്യയിലെ ജിദ്ദയില് നിന്ന് ഇന്ത്യയിലേക്ക് ഇന്ഡിഗോ എയര്ലൈന്സും പത്യേക സര്വീസുകള് ആരംഭിച്ചു. പ്രവര്ത്തനങ്ങള് ക്രമേണെ സാധാരണ നിലയിലാക്കുന്നതിനുള്ള ശ്രമങ്ങളുടെ ഭാഗമായാണ് താല്ക്കാലിക സര്വീസെന്ന് എയര്ലൈന് അറിയിച്ചു.
സംഘര്ഷങ്ങളുടെ സാഹചര്യത്തില് യാത്ര ചെയ്യാന് കഴിയാത്തവര്ക്ക് വേണ്ടിയാണ് പ്രത്യേക ക്രമീകരണം. സ്പൈസ് ജെറ്റും യുഎഇ-യില് നിന്ന് ഇന്ത്യയിലേയ്ക്ക് പ്രത്യേക സര്വ്വിസിന് തുടക്കം കുറിച്ചു. കൊച്ചി, ഡല്ഹി, മുംബൈ എന്നിവിടങ്ങളിലേയ്ക്കായിരുന്നു ഇന്നത്തെ സര്വീസ്. നാളെ രണ്ടാ വിമാനങ്ങളും വ്യാഴാഴ്ച ഒരു സര്വീസും നടത്തുമെന്ന് സ്പൈസ് ജെറ്റ് വ്യക്തമാക്കി. അതിനിടെ വിവിധ രാജ്യങ്ങളുടെ സഹകരണത്തോടെ സുരക്ഷിത വ്യോമപാത ഉള്പ്പെടുന്ന പ്രത്യേക ഇടനാഴി തുറക്കുമെന്ന് യുഎഇ ഭരണകൂടവും വ്യക്തമാക്കി. 18,000 പേരെ ഇതിനകം ക്ഷ്യസ്ഥാനത്തില് എത്തിച്ചു.വരും ദിവസങ്ങളില് 80-ലധികം പ്രത്യേക വിമാന സര്വീസുകള് നടത്തനാണ് ശ്രമം. 27,000 യാത്രക്കാരെ ലക്ഷ്യസ്ഥാനങ്ങളില് എത്തിക്കുന്നതിനുള്ള നടപടികള് പൂര്ത്തിയായിവരുന്നതായും ഭരണകൂടം വ്യക്തമാക്കി.
Content Highlights: Flight services between Gulf countries and India are set to resume, bringing major relief to expatriates and travelers awaiting the restoration of regular air connectivity.
