LIVE TV
മലയാളികളുടെ പ്രിയതാരമാണ് അജു വര്ഗീസ്. കരിയറിന്റെ ആദ്യ ഘട്ടത്തില് കോമഡി റോളുകളിലൂടെയാണ് അജു പ്രേക്ഷകരെ കൈയിലെടുത്തതെങ്കില് ഇപ്പോള് അതല്ലാത്ത ക്യാരക്റ്റര് റോളുകളിലും പ്രകടന മികവ് കൊണ്ട് അദ്ദേഹം കൈയടി നേടിയിട്ടുണ്ട്. ഇപ്പോഴിതാ സിനിമകൾ തന്നെ സ്വാധീനിക്കാറുണ്ടെന്ന് പറയുകയാണ് അജു വർഗീസ്. ജയസൂര്യ - പ്രജേഷ് സെൻ കൂട്ടുകെട്ടിൽ ഒരുങ്ങിയ ' വെള്ളം ' സിനിമ കണ്ടിട്ട് താൻ വെള്ളമടി നിർത്തിയെന്ന് പറയുകയാണ് ജയസൂര്യ. ഫറ ഷിബിലയ്ക്ക് നൽകിയ അഭിമുഖത്തിലാണ് പ്രതികരണം.
'ഭയങ്കര ലക്ഷ്വറി ജീവിതത്തിൽ താല്പര്യപ്പെടുന്ന ആളല്ല ഞാൻ. ആകെ ഉണ്ടായിരുന്ന ഒരു ലക്ഷ്വറി എനിക്ക് തോന്നുന്നത് മദ്യപിച്ചിരുന്നപ്പോൾ ഉള്ള സമയമാണ്. അത് പണ്ടാണ് കോവിഡിന് മുന്നേ. വെള്ളം സിനിമ കണ്ടപ്പോൾ അതും പോയി, ആ സിനിമയ്ക്ക് ശേഷമാണ് വെള്ളമടി നിർത്തിയത്. ഭയങ്കര ഹോണ്ട് ചെയ്തു. ഹോണ്ടിങ് അല്ല ജേട്ടന്റെ പെർഫോമൻസ് ആണ് നമ്മുടെ മനസ്സിൽ സ്ട്രൈക്ക് ചെയ്യാൻ കാരണം. മുരളി ചേട്ടനെ എനിക്കറിയാം, പക്ഷെ റിയൽ ലൈഫ് മുരളി ചേട്ടൻ എന്നെ ഇൻസ്പയർ ചെയ്തിട്ടില്ല.
മുരളി ആയിട്ടുള്ള ജയേട്ടന്റെ പെർഫോമൻസ് എന്നെ വല്ലാതെ ഹോണ്ട് ചെയ്തിട്ടുണ്ട്. ജയേട്ടന്റെ ആക്ടിങ് അത് നമ്മളിൽ ബാക്ഗ്രൗണ്ട് സ്കോർ ചെയ്തപ്പോൾ, സീനുകൾ പ്രജേഷ് ഏട്ടൻ എഴുതിയത് സിനിമാറ്റിക്കലി നമ്മളെ ഭയങ്കരമായി ടച്ച് ചെയ്തിട്ടുണ്ട്. സിനിമാറ്റിക്കലി ഭയങ്കര ടച്ചഡ് ആകുന്ന വ്യക്തിയാണ് ഞാൻ, അതെ ഒരു കാര്യം നേരെ വന്ന് പറഞ്ഞാൽ ചിലപ്പോ എനിക്ക് അത്ര ബാധിക്കില്ല. സിനിമ കണ്ടാൽ നമ്മൾ അത് ഇൻസ്പയർഡ് ആകും; അജു വർഗീസ് പറഞ്ഞു.
Content Highlights: Actor Aju Varghese has revealed that he stopped drinking alcohol after watching Vellam. He said the film deeply influenced him and prompted him to reassess his drinking habits, leading to a personal decision to quit alcohol.
