LIVE TV
മലയാള സിനിമാ ചരിത്രത്തിലെ ഏറ്റവും ജനപ്രീതിയാർജ്ജിച്ച ക്രൈം ത്രില്ലർ ഫ്രാഞ്ചൈസിയുടെ മൂന്നാം ഭാഗമായ 'ദൃശ്യം 3' തിയേറ്ററുകളിൽ വൻ വിജയമാണ് നേടിയത്. സിനിമ തീയേറ്ററിലെത്തി വെറും 58 മണിക്കൂറുകള് കൊണ്ടാണ് 100 കോടി ക്ലബിലെത്തിയത്. തിയേറ്ററിലെ മികച്ച പ്രകടനത്തിന് പിന്നാലെ ഒ.ടി.ടി സ്ട്രീമിങ്ങും ചിത്രം ആരംഭിച്ചിരുന്നു.
2026ലെ ഏറ്റവും വലിയ ഹിറ്റായി ദൃശ്യം 3 മാറിയിരിക്കുകയാണെന്ന റിപ്പോര്ട്ടുകളാണ് വിശ്വസിനീയമായ സിനിമാ പേജുകള് റിപ്പോര്ട്ട് ചെയ്യുന്നത്. ആഗോള ബോക്സ് ഓഫീസില് നിന്ന് ചിത്രം ആകെ നേടിയത് 237.70 കോടിയാണ്. ഇതോടെ ഈ വര്ഷത്തെ ഹൈയസ്റ്റ് ഗ്രോസിങ് മലയാളം സിനിമയായി മാറിയിരിക്കുകയാണ് ദൃശ്യം 3.
കേരളത്തില് നിന്ന് മാത്രം ചിത്രം നേടിയത് 90.21 കോടി ആയിരുന്നു. കേരളത്തില് ഒരു മലയാള ചിത്രം നേടുന്ന എക്കാലത്തെയും വലിയ നാലാമത്തെ കളക്ഷന്. എന്നാല് ഇക്കാര്യത്തില് 128 കോടിയോളം നേടിയ വാഴ 2 തന്നെയാണ് റാങ്കിങ്ങില് മുന്നിട്ട് നില്ക്കുന്നത്. അതേസമയം കേരളത്തിന് പുറത്ത്, ഇന്ത്യയിലെ മറ്റ് സംസ്ഥാനങ്ങളില് നിന്നായി ഏകദേശം 37 കോടി രൂപയാണ് ചിത്രം സ്വന്തമാക്കിയിരിക്കുന്നത്.
മോഹന്ലാല് ചിത്രങ്ങള്ക്ക് വലിയ മാര്ക്കറ്റുള്ള വിദേശരാജ്യങ്ങളില് നിന്നും 109 കോടിയോളമാണ് ചിത്രം നേടിയിട്ടുള്ളതെന്നാണ് റിപ്പോര്ട്ടുകള്. ശ്ചിമേഷ്യയില് നിന്ന് 6.51 മില്യണ് ഡോളര് നേടിയ ചിത്രം നോര്ത്ത് അമേരിക്കയില് നിന്ന് 1.97 മില്യണും യുകെ, അയര്ലന്ഡ് എന്നിവിടങ്ങളില് നിന്ന് 1.42 മില്യണും ഓസ്ട്രേലിയയില് നിന്ന് 7.20 ലക്ഷം ഡോളറും നേടി. ന്യൂസിലന്ഡില് നിന്ന് 1.56 ലക്ഷം ഡോളറും. വിദേശ മാര്ക്കറ്റുകളില് നിന്ന് മാത്രം ചിത്രം 100 കോടി ക്ലബ്ബിലും കയറി. ഇതോടെ ഏറ്റവും കൂടുതല് കളക്ഷന് നേടിയിട്ടുള്ള ചിത്രങ്ങളുടെ ലിസ്റ്റില് നാലാം സ്ഥാനം സ്വന്തമാക്കാനും ദൃശ്യം 3യ്ക്ക് സാധിച്ചിരിക്കുകയാണ്.
മലയാളത്തില് ത്രില്ലര് സിനിമകള്ക്ക് പുതിയൊരു ബെഞ്ച്മാര്ക്ക് നല്കിയ ചിത്രമായിരുന്നു മോഹന്ലാല് - ജീത്തുജോസഫ് കൂട്ടുകെട്ടിലൊരുങ്ങിയ 'ദൃശ്യം'.ജോര്ജ്കുട്ടിയും കുടുംബവും അവരുടെ നിലനില്പ്പിനായുള്ള പോരാട്ടങ്ങളും മലയാളി പ്രേക്ഷകര് ഇരുകൈയ്യും നീട്ടി സ്വീകരിച്ചപ്പോള് ഒരു രണ്ടാം ഭാഗവും സിനിമക്ക് ഉണ്ടായി. ഇന്ത്യയും കടന്ന് ചൈനീസും കൊറിയനും ഉള്പ്പടെ നിരവധി ഭാഷകളിലേക്ക് റീമേക്ക് ചെയ്യപ്പെട്ടിരുന്നു.
Content Highlights: Mohanlal's Drishyam 3 has completed its theatrical run as the highest-grossing film of 2026. The Jeethu Joseph-directed thriller finished with a worldwide gross of approximately ₹237.70 crore, making it the biggest film in the franchise and one of the highest-grossing Malayalam films ever.
