LIVE TV
രാക്ഷസന് എന്ന ഒറ്റ സിനിമയിലൂടെ തെന്നിന്ത്യയിലെ മുന്നിര നടന്മാരിലൊരാളായി മാറിയ താരമാണ് വിഷ്ണു വിശാല്. വിഷ്ണു വിശാലിന്റേതായി റിലീസിനൊരുങ്ങുന്ന ചിത്രം 'ഗാട്ട ഗുസ്തി' 2 ആണ്. ചിത്രത്തിന്റെ പ്രമോഷനുമായി ബന്ധപ്പെട്ട അഭിമുഖത്തില് തന്റെ യഥാര്ത്ഥ പേര് ഇതല്ലെന്നും പേര് മാറ്റാനുള്ള കാരണവും വ്യക്തമാക്കുകയാണ് താരം. ജിഞ്ചര് മീഡിയ എന്റര്ടെയ്ന്മെന്റ്സിന് നല്കിയ അഭിമുഖത്തിലാണ് വിഷ്ണു വിശാല് ഈക്കാര്യം വ്യക്തമാക്കിയത്.
വിശാല് എന്നാണ് എന്റെ യഥാര്ത്ഥ പേര്. ഞാന് വിഷ്ണു എന്നാക്കി മാറ്റിയതാണ്. കാരണം സിനിമയില് മുന്പേ തന്നെ നടന് വിശാല് ഉണ്ടല്ലോ. പിന്നെ ഞാന് അദ്ദേഹവുമായി സൗഹൃദത്തിലായി. അങ്ങനെ പിന്നെ ഞാന് എന്റെ പേര് വിഷ്ണു വിശാല് എന്നാക്കി.
സിനിമയില് വരുന്നതിന് മുന്പ് ഞാന് ക്രിക്കറ്റ് കളിക്കാന് പോകാറുണ്ടായിരുന്നു. തമിഴ്നാട് ക്രിക്കറ്റ് അസോസിയേഷന് (ടിഎന്സിഎ) ലീഗ് മത്സരങ്ങളില് പങ്കെടുത്തിരുന്നു. കാലിന് പരിക്കേറ്റതിനെ തുടര്ന്നാണ് താന് ക്രിക്കറ്റ് ഉപേക്ഷിച്ചത്.
ഞാന് മുന്പ് ക്രിക്കറ്റ് കളിച്ചിട്ടുള്ള പല സ്ഥലങ്ങളിലും വിശാല് എന്നാണ് ഞാന് അറിയപ്പെടുന്നത്. എന്റെ ശരിക്കുള്ള പേര് എനിക്ക് മിസ് ചെയ്യാറുണ്ട്. ക്രിക്കറ്റ് കാരണം എനിക്ക് ഒരുപാട് സുഹൃത്തുക്കളെ കിട്ടിയിട്ടുണ്ട്. ശ്രീശാന്തിനെയും വിശാലിനെയുമൊക്കെ സുഹൃത്തുക്കളായി കിട്ടിയത് ക്രിക്കറ്റിലൂടെയാണ്. ആന്ധ്രയിലും നോര്ത്ത് ഇന്ത്യയിലുമൊക്കെ എനിക്ക് ക്രിക്കറ്റ് സുഹൃത്തുക്കളുണ്ട.
വിഷ്ണു വിശാല് പറഞ്ഞു. ചെല്ല അയ്യാവു സംവിധാനം ചെയ്ത ഗാട്ട ഗുസ്തി 2 ജൂലൈ മൂന്നിനാണ് തിയറ്ററുകളിലെത്തുന്നത്. ഐശ്വര്യ ലക്ഷ്മിയാണ് ചിത്രത്തിലെ നായിക.
Content Highlights: Actor Vishnu Vishal has clarified the reason behind the name change. Vishnu Vishal's upcoming film 'Gatta Gusthi' 2 is-
