LIVE TV
അഭിഷേക് നാമ രചിച്ച് സംവിധാനം ചെയ്യുന്ന പാന് ഇന്ത്യന് തെലുങ്ക് ആക്ഷന്-അഡ്വഞ്ചര് ചിത്രം നാഗബന്ധത്തിന്റെ കേരള പ്രമോഷന് ഇവന്റ് കൊച്ചി ഫോറം മാളില് ആവേശകരമായി നടന്നു. നൂറുകണക്കിന് ആരാധകരുടെ സാന്നിധ്യത്തില് നടന്ന പരിപാടിയില് ചിത്രത്തിലെ പ്രധാന താരങ്ങളായ നഭ നടേഷ്, വിരാട് കര്ണ, ജോണ് കൊക്കന് എന്നിവര് പങ്കെടുത്തു.
ആരാധകരുമായി സംവദിച്ച താരങ്ങള് ചിത്രത്തിന്റെ വിശേഷങ്ങളും ചിത്രീകരണ അനുഭവങ്ങളും പങ്കുവെച്ചു. പുരാണവും ചരിത്രവും സാഹസികതയും സമന്വയിപ്പിച്ച ഒരു വിസ്മയ ദൃശ്യാനുഭവമായാണ് 'നാഗബന്ധം' ഒരുങ്ങുന്നത്. ഉയര്ന്ന സാങ്കേതിക മികവും വമ്പന് ദൃശ്യവിസ്മയങ്ങളും ഉള്ക്കൊള്ളുന്ന ചിത്രം ഇന്ത്യയിലെ വിവിധ ഭാഷകളില് പ്രേക്ഷകരിലേക്കെത്തും.കേരളത്തിലെ പ്രമോഷന് പരിപാടിക്ക് സിനിമാപ്രേമികളില് നിന്നും മികച്ച പ്രതികരണമാണ് ലഭിച്ചത്. ചിത്രത്തിന്റെ റിലീസിനായുള്ള പ്രതീക്ഷയും ആവേശവും പരിപാടിയിലൂടെ കൂടുതല് ശക്തമായി.
അതേ സമയം നാഗബന്ധത്തിന്റെ ട്രെയ്ലര് സമൂഹ മാധ്യമങ്ങളില് തരംഗമാവുകയാണ് . ഇതിനോടകം 30 മില്യണ് കാഴ്ചക്കാരെയാണ് ഈ ട്രെയ്ലര് നേടിയെടുത്തിരിക്കുന്നത്. വലിയ പ്രേക്ഷക പ്രശംസ നേടുന്ന ട്രെയ്ലര് ചിത്രത്തെ കുറിച്ചുള്ള പ്രതീക്ഷകളും വര്ദ്ധിപ്പിച്ചിട്ടുണ്ട്. ട്രെയിലറിലുടനീളം ശ്രദ്ധ പിടിച്ചുപറ്റുന്നത് വിരാട് കര്ണയാണ്. അദ്ദേഹത്തിന്റെ പരിവര്ത്തനവും സ്ക്രീന് സാന്നിധ്യവും തീവ്രതയും ആത്മീയ ആഴവും ഉള്ക്കൊള്ളുന്ന ഒരു പ്രകടനത്തെ സൂചിപ്പിക്കുന്നു. കൂടാതെ നഭ നടേഷ്, ഐശ്വര്യ മേനോന്, ദക്ഷ നാഗാര്ക്കര്, മഹേഷ് മഞ്ജരേക്കര്, ജഗപതി ബാബു, മുരളി ശര്മ്മ തുടങ്ങി മറ്റ് കഥാപാത്രങ്ങളെയും ട്രെയിലര് പരിചയപ്പെടുത്തുന്നു. ബ്രഹ്മകമലത്തെ ചുറ്റിപ്പറ്റിയുള്ള നിഗൂഢതകളെക്കുറിച്ച് കഥ ചര്ച്ച ചെയ്യുമ്പോള്, കഥപറച്ചില് ആകര്ഷകവും ഇതിഹാസവുമാണ്.
പ്രമുഖ നിര്മാണ കമ്പനിയായ സീ സ്റ്റുഡിയോസ് ആണ് ഉത്തരേന്ത്യയിലെ വിതരണാവകാശം സ്വന്തമാക്കിയിരിക്കുകയാണ്. പ്രമുഖ സ്ട്രീമിങ് പ്ലാറ്റ്ഫോമായ ആമസോണ് പ്രൈം വീഡിയോ ഒടിടി അവകാശവും, തെലുങ്ക് സാറ്റലൈറ്റ് അവകാശം സ്റ്റാര് മായും സ്വന്തമാക്കിക്കഴിഞ്ഞു.
അഭിഷേക് പിക്ചേഴ്സുമായി സഹകരിച്ച് നിക് സ്റ്റുഡിയോസിന്റെ ബാനറില് കിഷോര് അന്നപുറെഡ്ഡിയും നിഷിത നാഗി റെഡ്ഡിയും ചേര്ന്ന് നിര്മിക്കുന്ന ചിത്രം, വമ്പിച്ച നിര്മാണച്ചെലവിലും ലോകോത്തര സാങ്കേതിക നിലവാരത്തിലും ഒരു യഥാര്ത്ഥ പാന്-ഇന്ത്യന് ദൃശ്യവിസ്മയമായാണ് ഒരുങ്ങുന്നത്. 2026ല് ഏറ്റവും കൂടുതല് കാത്തിരിക്കുന്ന റിലീസുകളില് ഒന്നായി അതിവേഗം മാറിയിരിക്കുകയാണ് 'നാഗബന്ധം'.
ഛായാഗ്രഹണം - സൗന്ദര് രാജന് എസ് , സംഗീതം - അഭേ, ജുനൈദ് കുമാര്, എഡിറ്റര് - ആര്.സി. പനവ്, സിഇഒ - വാസു പൊടിനി, പ്രൊഡക്ഷന് ഡിസൈനര് - അശോക് കുമാര്, സംഭാഷണങ്ങള് - കല്യാണ് ചക്രവര്ത്തി, കോസ്റ്റ്യൂം ഡിസൈനര് - അശ്വിന് രാജേഷ്, എക്സിക്യൂട്ടീവ് പ്രൊഡ്യൂസര്- അഭിനത്രി ജക്കല്, ആക്ഷന്- വെങ്കട്ട്, വ്ലാഡ് റിംബര്ഗ്, കെച്ച, തിരക്കഥ വികസനം - ശ്രവണ്, രാജീവ് എന് കൃഷ്ണ, വിഎഫ്എക്സ് - തണ്ടര് സ്റ്റുഡിയോസ്, വിഎഫ്എക്സ് സൂപ്പര്വൈസര് - ദേവ് ബാബു ഗാന്ധി (ബുജ്ജി), പബ്ലിസിറ്റി ഡിസൈന് - കാനി സ്റ്റുഡിയോ. കേരളത്തില് വിതരണത്തിനെത്തിക്കുന്നത് ഗുഡ് ഫെല്ലാസ് ഫിലിംസ് ആണ്. പി ആര് ഓ. ഐശ്വര്യ രാജ്.
Content Highlights: -'Nagabandham' Kerala promotion event filled with excitement in Kochi, with the film's lead actors Nabha Natesh, Virat Karna and John Kokkan attending
