LIVE TV
യഷ് നായകനാകുന്ന ഗീതു മോഹൻദാസ് സംവിധാനം ചെയ്യുന്ന ‘ടോക്സിക്’ സിനിമയുമായി ബന്ധപ്പെട്ട് ഉയരുന്ന വാർത്തകൾ തള്ളി അണിയറപ്രവർത്തകർ. ‘ടോക്സിക്’ സിനിമയിലെ ചിലഭാഗങ്ങളുമായി നായകൻ യഷിന് അഭിപ്രായവ്യത്യാസമുണ്ടെന്നും ഇവ വീണ്ടും ഷൂട്ട് ചെയ്യുമെന്നുമാണ് പ്രചരിച്ച വാർത്തകള്. എന്നാൽ ഇത്തരം വാർത്തകൾ അടിസ്ഥാനരഹിതമാണെന്നും റീഷൂട്ടിന് പദ്ധതിയില്ലെന്നും അണിയറപ്രവർത്തകർ അറിയിച്ചു.
ചിത്രത്തിന്റെ പോസ്റ്റ് പ്രൊഡക്ഷൻ ജോലികൾ പൂർത്തിയായെന്നും ചിത്രം റിലീസിന് സജ്ജമാണെന്നും അണിയറപ്രവർത്തകർ വ്യക്തമാക്കി. കഴിഞ്ഞ ദിവസമാണ് ചിത്രം റീഷൂട്ടിലേക്ക് കടക്കുകയാണെന്ന താരത്തിൽ റിപ്പോർട്ടുകൾ സോഷ്യൽ മീഡിയയിൽ ഉയർന്നത്. 100 ദിവസത്തോളം റീ ഷൂട്ട് ചെയ്തു ചിത്രം 2027 ൽ പുറത്തിറങ്ങുമെന്നും റിപ്പോർട്ട് ഉയർന്നിരുന്നു. നേരത്തെ ജൂൺ നാലിന് എത്തുമെന്ന് അറിയിച്ച സിനിമ റിലീസ് മാറ്റിവെക്കുകയായിരുന്നു. കെവിഎന് പ്രൊഡക്ഷന്സും മോണ്സ്റ്റര് മൈന്ഡ് ക്രിയേഷന്സുമാണ് ചിത്രം നിര്മിക്കുന്നത്. യഷും ഗീതു മോഹന്ദാസും ചേര്ന്നാണ് ചിത്രത്തിന്റെ രചന നിര്വഹിച്ചിരിക്കുന്നത്. ഗീതു മോഹന്ദാസ് തന്നെയാണ് സംവിധാനം ചെയ്യുന്നത്. കന്നഡയിലും ഇംഗ്ലീഷിലും ചിത്രീകരിച്ചിരിക്കുന്ന ടോക്സിക് ഹിന്ദി, തമിഴ്, തെലുങ്ക്, മലയാളം ഭാഷകളിലും ഡബ്ബ് ചെയ്ത് പ്രേക്ഷകരിലേക്ക് എത്തും. നയന്താര, കിയാര അദ്വാനി, ഹുമ ഖുറേഷി, രുക്മിണി വസന്ത്, താര സുതാരിയ എന്നിവര് ചിത്രത്തില് പ്രധാന വേഷങ്ങളിലെത്തുന്നു.
ചിത്രത്തിൽ യഷ് ഇരട്ട വേഷത്തിലാണ് എത്തുന്നതെന്ന സൂചനയാണ് ടീസർ നൽകുന്നത്. ടീസറിന്റെ അവസാനം പുതിയ ലുക്കിലുള്ള യഷിനെ കാണാനാകും. പക്കാ ഹോളിവുഡ് സിനിമയെന്ന് തോന്നിപ്പിക്കുന്ന തരം വിഷ്വലുകൾ ആണ് സിനിമയിൽ ഉള്ളതെന്ന സൂചനയാണ് ടീസർ നൽകുന്നത്. സിനിമയിൽ അഞ്ച് നായികമാരാണ് ഉള്ളത്. ഇവരുടെയെല്ലാം പോസ്റ്ററുകൾ നേരത്തെ പുറത്തുവന്നിരുന്നു. ടോക്സിക് പറയുന്ന കഥയ്ക്ക് ആഗോള സ്വഭാവമുളളതിനാൽ ഇതൊരു പാൻ വേൾഡ് സിനിമയായി ഒരുക്കുക എന്ന തീരുമാനത്തിലാണ് അണിയറപ്രവർത്തകർ. ഇതിനാലാണ് കന്നഡയിലും ഇംഗ്ലീഷിലും ഒരേസമയം ചിത്രീകരിക്കുന്നത് എന്നാണ് റിപ്പോർട്ട്.
Content Highlights: Speculation emerged that Yash had requested extensive reshoots for Toxic, potentially delaying the project. The film’s producers have now addressed the rumours, clarifying the situation and providing an update on the movie’s production schedule.
