LIVE TV
രൂപേഷ് പീതാംബരന് സംവിധാനം ചെയ്ത് പ്രധാന വേഷത്തില് എത്തുന്ന ഭാസ്കരഭരണം എന്ന ചിത്രത്തിന്റെ ടീസര് റിലീസായി. വിനീത് ശ്രീനിവാസന്റെ പേജിലൂടെ പുറത്തു വിട്ട ടീസറിന് വലിയ സ്വീകരണമാണ് സോഷ്യല് മീഡിയയില്. അമ്മയും മകനും വീട്ടിലെ ജോലിക്കാരന് വരെ അച്ഛനെ കൊല്ലാന് പദ്ധതി ഇടുന്ന രസകരമായ സംഭവങ്ങളാണ് ടീസറില് കാണിക്കുന്നത്. മലയാളത്തിലെ പുതിയൊരു ജോണര് ഷിഫ്റ്റിംഗ് ആയിരിക്കും ഈ സിനിമയെന്നാണ് ടീസര് കണ്ട പ്രേക്ഷകര് വിലയിരുത്തുന്നത്.
സ്ഫടികം എന്ന സൂപ്പര്ഹിറ്റ് ചിത്രത്തില് മോഹന്ലാലിന്റെ ചെറുപ്പക്കാലം അഭിനയിച്ച രൂപേഷ് പീതാംബരന് തീവ്രം, യൂ ടൂ ബ്രൂട്ടസ് എന്നീ ചിത്രങ്ങളിലൂടെ സംവിധായക കുപ്പായം അണിയുന്നത്. പിന്നീട് ഒരു മെക്സിക്കന് അപാരത പോലെയുള്ള ചിത്രങ്ങളിലൂടെ അഭിനേതാവായും രൂപേഷ് പീതാംബരന് മലയാളി പ്രേക്ഷകര്ക്ക് മുന്നില് എത്തിയിരുന്നു. ഇപ്പോഴിതാ മൂന്നാമത്തെ സംവിധാനസംരംഭവുമായി എത്തിയിരിക്കുകയാണ് രൂപേഷ്. ജൂണ് 26 ന് റിലീസ് ആവുന്ന ചിത്രത്തിന്റെ ടൈറ്റില് അടുത്തിടെ ജനപ്രിയ നായകന് ദിലീപിന്റെ പേജിലൂടെയായിരുന്നു പുറത്തുവിട്ടത്.
അച്ഛനെ നന്നാക്കുവാന് ഇറങ്ങി തിരിച്ച ഒരു മകന്റെ കഥയാണ് ചിത്രം പറയുന്നത്. നികാഫും ഗുഡ് ഫെല്ലാസ് ഇന് ഫിലിംസ് ചേര്ന്ന് ആണ് ചിത്രം നിര്മിക്കുന്നത് . ചിത്രത്തിന്റെ ഓഡിയോ റൈറ്റ്സ് സ്വാന്തമാക്കിയിരിക്കുന്നത് പനോരമ മ്യൂസിക് ആണ്.
രൂപേഷ് പീതാംബരന്, സോണിക മീനാക്ഷി, അജയ് പവിത്രന്, മിഥുന് എം ദാസ്, പാര്വ്വതി കളരിക്കല്, മനീഷ് എം മനോജ്, അഞ്ജലി കൃഷ്ണദാസ്, ബിജു ചന്ദ്രന്, ശരത് വിജയ്, ജിഷ്ണു മോഹന് എന്നിവരാണ് അഭിനേതാക്കള്. ഉമ കുമാരപുരമാണ് കാമറ കൈകാര്യം ചെയ്യുന്നത്. റഷിന് അഹമ്മദ് എഡിറ്റിങ്ങും കളറിങ്ങും നിര്വഹിക്കുന്നു. സംഭവം അധ്യായം ഒന്നിന് ശേഷം ഗോഡ് വിന് തോമസ് ആണ് മ്യൂസിക് ചെയ്യുന്നത്. കലാസംവിധാനം ; ദുന്തു രഞ്ജിവ് രാധ. ചിത്രം വിതരണം ചെയ്യുന്നത് ഗുഡ് ഫെല്ലാസ്. പി ആര് ഓ ; ഐശ്വര്യ രാജ്.
Content Highlights: Roopesh Peethambaran with a dark comedy Bhaskarabharanam teaser released
