LIVE TV
നാഷണൽ സ്റ്റോക്ക് എക്സ്ചേഞ്ച് ഫ്യൂച്ചേഴ്സ് ആൻഡ് ഓപ്ഷൻസ് വിഭാഗത്തിലെ ട്രേഡിംഗ് സമയത്തിൽ മാറ്റം പ്രഖ്യാപിച്ചു. പുതിയ തീരുമാനപ്രകാരം, 2026 ഓഗസ്റ്റ് 3 മുതൽ F&O മാർക്കറ്റ് നിലവിലെ 3:30 ന് പകരം 3:40 വരെ പ്രവർത്തിക്കും.ഈ മാറ്റത്തോടെ F&O ട്രേഡർമാർക്ക് അധികമായി 10 മിനിറ്റ് ട്രേഡിംഗ് സമയം ലഭിക്കും.
വിപണിയിലെ ലിക്വിഡിറ്റിയും വില നിർണയ കാര്യക്ഷമതയും മെച്ചപ്പെടുത്തുക എന്ന ലക്ഷ്യത്തോടെയാണ് എൻഎസ്ഇ ഈ നീക്കം നടത്തുന്നത്.സർക്കുലർ പ്രകാരം, ഡെറിവേറ്റീവ് വിഭാഗത്തിലെ പ്രീ -ഓപ്പൺ സെഷൻ സമയത്തിൽ മാറ്റമില്ല. രാവിലെ 9 മണിക്ക് ആരംഭിക്കുകയും 9:15 AM-ന് സാധാരണ ട്രേഡിംഗ് നടക്കുകയും ചെയ്യും. ട്രേഡ് മോഡിഫിക്കേഷൻ വിൻഡോ പതിവ് പോലെ തന്നെ 4:15 PM വരെ തുടരും.
ക്യാഷ് മാർക്കറ്റിൽ അവതരിപ്പിക്കുന്ന പുതിയ ക്ലോസിങ് ഓക്ഷൻ സെഷൻ (CAS) സംവിധാനവുമായി എഫ് ആൻഡ് ഓ വിഭാഗത്തെ കൂടുതൽ ഏകോപിപ്പിക്കാനാണ് ഈ മാറ്റമെന്ന് എൻഎസ്ഇ വ്യക്തമാക്കി. ക്ലോസിങ് ഓക്ഷൻ സെഷൻ വഴി ഓഹരികളുടെ ദിവസാവസാന വില കൂടുതൽ കൃത്യതയോടെ കണ്ടെത്താൻ സാധിക്കുമെന്ന് വിലയിരുത്തപ്പെടുന്നു. എൻഎസ്ഇ കഴിഞ്ഞ കുറച്ച് വർഷങ്ങളായി എഫ് ആൻഡ് ഒ വിപണിയിൽ നിരവധി മാറ്റങ്ങൾ കൊണ്ടുവന്നിട്ടുണ്ട്. എക്സ്പയറി ദിനത്തിൽ മാറ്റം, പ്രീ -ഓപ്പൺ സെഷൻ തുടങ്ങിയ നടപടികൾക്ക് പിന്നാലെയാണ് ഇപ്പോൾ ട്രേഡിങ് സമയം കൂടി നീട്ടുന്നത്.
ആഗോള വിപണികളിലെ ചലനങ്ങൾക്കും അവസാന മണിക്കൂറിലെ വോളറ്റിലിറ്റി നിയന്ത്രിക്കാനും ഈ അധിക 10 മിനിറ്റ് സഹായകരമാകാൻ സാധ്യതയുണ്ട് എന്നാണ് വിപണി വിദഗ്ധരുടെ വിലയിരുത്തൽ
പ്രധാന മാറ്റങ്ങൾ
Content Highlights: NSE extends F&O trading window following new cash market closing auction – Check new timings
