Get the latest news at
your fingertips!
Download our app now
LIVE TV
Search
മിഡ് റേഞ്ച് ടി സീരീസ് നിരയില്‍ മറ്റൊരു ഫോണ്‍ കൂടി ഉടന്‍ പുറത്തിറക്കാന്‍ ഒരുങ്ങി വിവോ. കമ്പനിയുടെ റിപ്പോര്‍ട്ട് പ്രകാരം വിവോ ടി4 പ്രോ എന്ന പേരിലായിരിക്കും പുതിയ ഫോണ്‍ എത്തുക. ഫോണ്‍ ഇ-കോമേഴ്സ് സൈറ്റായ ഫ്ലിപ്പ്കാര്‍ട്ടിലാണ് ലഭ്യമാക്കുക. ഇന്ത്യയില്‍ രണ്ട് കളര്‍ ഓപ്ഷനുകളില്‍ ഫോണ്‍ ലഭ്യമാകാന്‍ സാധ്യതയുണ്ട്. നൈട്രോ ബ്ലൂ, ബ്ലേസ് ഗോള്‍ഡ്. ഏകദേശം 30000 രൂപയ്ക്ക് വിപണിയില്‍ ലഭ്യമാകുമെന്ന് കരുതുന്നു. ഈ മാസം അവസാനം ലോഞ്ച് ചെയ്യുമെന്നാണ് സൂചന.
ഫോണിന് 1.5K 120Hz QLED ഡിസ്‌പ്ലേ ആകാനാണ് സാധ്യത. സ്‌നാപ്ഡ്രാഗണ്‍ 7 Gen 4 ചിപ്‌സെറ്റ് ആയിരിക്കും ഫോണിന് കരുത്തു പകരുക. 90W വയര്‍ഡ് ഫാസ്റ്റ് ചാര്‍ജിങ്ങുള്ള 6,500mAh ബാറ്ററിയായിരിക്കാം ഫോണില്‍ ഉണ്ടാകാന്‍ സാധ്യതയെന്നാണ് റിപ്പോര്‍ട്ട്.
മറ്റു പല വിവോ ഫോണുകളിലേതിന് സമാനമായ ഡിസൈനായിരിക്കും പുതിയ ഫോണിന്. ഒഐഎസുള്ള 50എംപി പ്രൈമറി ഷൂട്ടറും പിന്നില്‍ 8എംപി അള്‍ട്രാ-വൈഡ് ആംഗിള്‍ ലെന്‍സും ഉണ്ടാകുമെന്ന് പ്രതീക്ഷിക്കുന്നു. മുന്‍വശത്ത്, സെല്‍ഫികള്‍ക്കും വീഡിയോ കോളുകള്‍ക്കുമായി 50എംപി കാമറയും ഉണ്ടായിരിക്കാം.
Content Highlights: vivo t4 pro confirmed to launch in india soon
