LIVE TV
മുംബൈ: ജനശദാബ്ദി എക്സ്പ്രസിന്റെ എഞ്ചിന് ക്യാബിനില് നിന്നും പെരുമ്പാമ്പിന് കുഞ്ഞിനെ രക്ഷപ്പെടുത്തി. റെയില്വേ ജീവനക്കാരും മൃഗസംരക്ഷണ വകുപ്പും സംയുക്തമായി നടത്തിയ രക്ഷാപ്രവര്ത്തനത്തിനൊടുവിലാണ് പെരുമ്പാമ്പിനെ പുറത്തെടുത്തത്. ഇതിന്റെ വീഡിയോ സമൂഹ മാധ്യമങ്ങളിന് വൈറലാണ്.
മുംബൈയിലെ ഛത്രപതി ശിവജി മഹാരാജ് ടെര്മിനലിലെ പ്ലാറ്റ്ഫോം രണ്ടില് ട്രെയിന് എത്തിയപ്പോഴാണ് സംഭവം. ലോക്കോ പൈലറ്റ് എന് കെ പര്സോയയാണ് പാമ്പിനെ ആദ്യമായി കണ്ടത്. പിന്നാലെ ഇദ്ദേഹം വിവരം മറ്റൊരു ലോക്കോപൈലറ്റായ ഓം പ്രകാശ് റാമിനെയും മറ്റ് ജീവനക്കാരെയും അറിയിക്കുകയായിരുന്നു.
ഇവര് വിവരമറിയിച്ചതിനെ തുടര്ന്നാണ് മഹാരാഷ്ട്ര മൃഗസംരക്ഷണ വകുപ്പ് ഉദ്യോഗസ്ഥനായ അഭിഷേക് അശോക് താവ്രേ സംഭവസ്ഥലത്തെത്തുന്നത്. തുടർന്ന് യാത്രക്കാര്ക്കും ജീവനക്കാര്ക്കും അപകടമുണ്ടാകാതെ പെരുമ്പാമ്പിന് കുഞ്ഞിനെ പുറത്തെടുക്കുകയായിരുന്നു. രക്ഷപ്പെടുത്തിയ പെരുമ്പാമ്പിനെ പിന്നീട് കാട്ടിനുള്ളില് തുറന്ന് വിട്ടു.
Content Highlights: Passengers aboard the Jan Shatabdi Express in Mumbai were surprised after a baby python was spotted inside the train. Authorities quickly intervened, and the reptile was safely rescued, preventing any harm to passengers and ensuring normal train operations.
