

തിരുവനന്തപുരം: കേരള രാഷ്ട്രീയ ചരിത്രത്തിലെ നിഷ്ഠൂര കൊലപാതകങ്ങളില് ഒന്നാണ് അരിയില് ഷുക്കൂറിന്റേതെന്നും മുഴുവന് കുറ്റവാളികളും ശിക്ഷിക്കപ്പെടുന്നതുവരെ നിയമപോരാട്ടം തുടരുമെന്നും മുഖ്യമന്ത്രി വി ഡി സതീശന്. രാഷ്ട്രീയ എതിരാളികളെ ഇല്ലാതാക്കാന് സിപിഐഎം ക്രിമിനലുകളെ ഉപയോഗിക്കുന്നുവെന്നതിന്റെ ഭീതിതമായ ഉദാഹരണമാണിതെന്നും അദ്ദേഹം ഫേസ്ബുക്കില് കുറിച്ചു.
നേതാക്കളുടെ സാന്നിധ്യത്തില് വിചാരണ നടത്തി ശിക്ഷ വിധിച്ച് നടപ്പാക്കിയ പ്രാകൃതമായ കൊലപാതകമായിരുന്നു ഷുക്കൂറിന്റേത്. ഗൂഢാലോചനയിലും കൊലപാതകത്തിലും പങ്കാളികളായ മുഴുവന് പേരും ശിക്ഷിക്കപ്പെടണം. സിപിഐഎം നേതാക്കള്ക്ക് ഗൂഢാലോചനയിലുള്ള പങ്ക് പുറത്തു കൊണ്ട് വരേണ്ടത് അനിവാര്യമാണെന്നും അദ്ദേഹം വ്യക്തമാക്കി.
പി ജയരാജനും ടി വി രാജേഷും ഉള്പ്പെടെയുള്ള 18 പ്രതികളെ കുറ്റവിമുക്തരാക്കിയ കോടതി വിധിക്കെതിരെ അപ്പീല് പോകണമെന്ന് ഷുക്കൂറിന്റെ കുടുംബം ആവശ്യപ്പെട്ടിട്ടുണ്ട്. വിധി പകര്പ്പ് പരിശോധിച്ച ശേഷം കുടുംബവുമായി ആലോചിച്ച് അപ്പീല് നടപടികള് തീരുമാനിക്കുമെന്നും മുഖ്യമന്ത്രി കൂട്ടിച്ചേര്ത്തു.
വി ഡി സതീശന്റെ ഫേസ്ബുക്ക് കുറിപ്പ്
കേരള രാഷ്ട്രീയ ചരിത്രത്തിലെ നിഷ്ഠൂര കൊലപാതകങ്ങളില് ഒന്നാണ് അരിയില് ഷുക്കൂറിന്റേത്. രാഷ്ട്രീയ എതിരാളികളെ ഇല്ലാതാക്കാന് സി.പി.എം ക്രിമിനലുകളെ ഉപയോഗിക്കുന്നുവെന്നതിന്റെ ഭീതിതമായ ഉദാഹരണമാണിത്. നേതാക്കളുടെ സാന്നിധ്യത്തില് വിചാരണ നടത്തി ശിക്ഷ വിധിച്ച് നടപ്പാക്കിയ പ്രാകൃതമായ കൊലപാതകമായിരുന്നു ഷുക്കൂറിന്റേത്.
ഗൂഡാലോചനയിലും കൊലപാതകത്തിലും പങ്കാളികളായ മുഴുവന് പേരും ശിക്ഷിക്കപ്പെടണം. സി.പി.എം നേതാക്കള്ക്ക് ഗൂഡാലോചനയിലുള്ള പങ്ക് പുറത്തു കൊണ്ട് വരേണ്ടത് അനിവാര്യമാണ്.പി. ജയരാജനും ടി.വി. രാജേഷും ഉള്പ്പെടെയുള്ള
18 പ്രതികളെ കുറ്റവിമുക്തരാക്കിയ കോടതി വിധിക്കെതിരെ അപ്പീല് പോകണമെന്ന് ഷുക്കൂറിന്റെ കുടുംബം ആവശ്യപ്പെട്ടിട്ടുണ്ട്.
വിധി പകര്പ്പ് പരിശോധിച്ച ശേഷം കുടുംബവുമായി ആലോചിച്ച് അപ്പീല് നടപടികള് തീരുമാനിക്കും. നിയമപരമായ എല്ലാ സാധ്യതകളും ഉപയോഗിച്ച് നീതിക്കു വേണ്ടിയുള്ള പോരാട്ടം തുടരും.
സി.പി.എം നേതൃത്വത്തിന്റെ രാഷ്ട്രീയ പകപോക്കലിന് ഇരയായ ഷുക്കൂറിന്റെ കുടുംബത്തിന് നീതി ലഭിക്കണം. ആ കുടുംബത്തിനൊപ്പം സര്ക്കാര് ഉറച്ചു നില്ക്കും. മുഴുവന് കുറ്റവാളികളും ശിക്ഷിക്കപ്പെടുന്നതുവരെ നിയമപോരാട്ടം തുടരും.
യൂത്ത് ലീഗ് പ്രവര്ത്തകന് അരിയില് ഷുക്കൂറിനെ വധിച്ച കേസില് കുറ്റക്കാരെന്ന് കണ്ടെത്തിയ ഏഴ് പ്രതികള്ക്ക് ജീവപര്യന്തം വിധിച്ചിരുന്നു. ഒന്നാം പ്രതി സുമേഷ് കെ വി, മൂന്നാം പ്രതി അനൂപ്, ഏഴാം പ്രതി പവിത്രന്, ഒന്പതാം പ്രതി മനോഹരന്, പത്താം പ്രതി എം വി ദിനേശന്, പന്ത്രണ്ടാം പ്രതി ബിജുമോന്, പതിനഞ്ചാം പ്രതി ഷിജിന് മോഹന് എന്നിവര്ക്കാണ് ജീവപര്യന്തം തടവ് ശിക്ഷ വിധിച്ചത്. ബാക്കി ആറ് പ്രതികള്ക്ക് രണ്ട് വര്ഷം തടവ് ശിക്ഷയും വിധിച്ചു. ഇവര്ക്ക് ജാമ്യം ലഭിക്കും. സിപിഐഎം നേതാക്കളായ പി ജയരാജന് ടി വി രാജേഷ്, സിപിഐഎം സംസ്ഥാന സെക്രട്ടറി എം വി ഗോവിന്ദന്റെ മകന് ശ്യാംജിത്ത് അടക്കമുള്ള പതിനെട്ട് പ്രതികളെ കോടതി വെറുതെ വിട്ടിരുന്നു.
അരിയില് ഷുക്കൂര് വധക്കേസില് 33പേരായിരുന്നു പ്രതികളായി ഉണ്ടായികുന്നത്. ഇതില് പതിമൂന്ന് പേരെയാണ് കുറ്റക്കാരായി കണ്ടെത്തിയത്. അതില് തന്നെ ഏഴ് പേര്ക്കെതിരെ കൊലക്കുറ്റം തെളിഞ്ഞു. അഞ്ച് പ്രതികള്ക്കെതിരെ അതിക്രമിച്ച് കടക്കല്, തടഞ്ഞുവെയ്ക്കല്, ഭീഷണിപ്പെടുത്തല് തുടങ്ങിയ കുറ്റങ്ങള് തെളിഞ്ഞു. ഒരാള്ക്കെതിരെ തെളിവ് നശിപ്പിക്കല് കുറ്റവും തെളിഞ്ഞു. ഗൂഢാലോചന തുറ്റം തെളിയിക്കാനായില്ല എന്ന് ചൂണ്ടിക്കാട്ടിയാണ് പി ജയരാജന് അടക്കമുള്ളവരെ കുറ്റവിമുക്തരാക്കിയത്.
2012 ഫെബ്രുവരി 20നാണ് കണ്ണൂര് ജില്ലയിലെ കണ്ണപുരത്തിനടുത്ത് കീഴറ വള്ളുവന് കടവ് ചുള്ളിയോട് വയലില് അരിയില് അബ്ദുല് ഷുക്കൂര് കൊല്ലപ്പെടുന്നത്. സിപിഐഎം കണ്ണൂര് ജില്ലാ സെക്രട്ടറിയായിരിക്കെ പി ജയരാജന്റെ വാഹനവ്യൂഹത്തിന് നേരെ ആക്രമണം ആരോപിച്ചാണ് ഷുക്കൂറിനെ കൊലപ്പെടുത്തിയതെന്നാണ് കേസ്. 2012 ഫെബ്രുവരി 19ന് വൈകിട്ട് അരിയില് പ്രദേശത്ത് മുസ്ലിം ലീഗും സിപിഐഎമ്മും തമ്മില് സംഘര്ഷമുണ്ടായിരുന്നു. ഇതിന്റെ തുടര്ച്ചയായി ഫെബ്രുവരി 20ന് രാവിലെ 11.30ന് ശേഷം പ്രദേശം സന്ദര്ശിക്കാനെത്തിയതായിരുന്നു പി ജയരാജനും കല്ല്യാശ്ശേരി എംഎല്എ ടി വി രാജേഷും. ഇവരുടെ വാഹനം അരിയില് മുസ് ലിം ലീഗ് ഓഫീസിന് സമീപം ഒരു സംഘം തടഞ്ഞു.
ഇതിനിടെ, കോതായി എന്ന സ്ഥലത്ത് ക്രിക്കറ്റ് കളിക്കുന്നതിനിടെ പരിക്കേറ്റ അയ്യൂബിനെ ആശുപത്രിയില് കാണിക്കാനായി ഷുക്കൂറും സുഹൃത്തുക്കളും വീട്ടിനു മുന്നിലെ പുഴയിലൂടെ തോണിയില് ചെറുകുന്ന് മിഷന് ആശുപത്രിയിലേക്ക് പുറപ്പെട്ടു. കീഴറ വള്ളുവന് കടവില്വെച്ച് സിപിഐഎം പ്രവര്ത്തകര് ഇവരെ പിന്തുടര്ന്നുവെന്നും സമീപത്തെ മുഹമ്മദ് കുഞ്ഞിയുടെ വീട്ടില് അഭയം തേടിയപ്പോള് തടഞ്ഞുവെച്ചുവെന്നുമാണ് കേസ് അന്വേഷണത്തില് ഉയര്ന്ന ആരോപണം.
ഈ സമയത്ത് പി ജയരാജനും ടി വി രാജേഷും തളിപ്പറമ്പ് സഹകരണ ആശുപത്രിയില് ചികിത്സ തേടിയിരുന്നു. കീഴറയില്നിന്നുള്ള സിപിഐഎം പ്രവര്ത്തകര് ആശുപത്രിയിലെ നേതാക്കളുമായി ബന്ധപ്പെട്ട് ഗൂഢാലോചന നടത്തിയശേഷമാണ് ഷുക്കൂറിനെ വയലില്വെച്ച് കുത്തിക്കൊലപ്പെടുത്തിയതെന്നാണ് സിബിഐയുടെ കുറ്റപത്രം. ഷുക്കൂറിനൊപ്പം അവസാനംവരെ ഉണ്ടായിരുന്ന സക്കരിയയ്ക്ക് മാരകമായി വെട്ടേറ്റെങ്കിലും രക്ഷപ്പെട്ടു. കണ്ണപുരം പൊലീസ് രക്ഷപ്പെടുത്തി ചെറുകുന്ന് മിഷന് ആശുപത്രിയില് പ്രവേശിപ്പിക്കുകയായിരുന്നു. പി വി അയ്യൂബ്, ഹാരിസ് എം കെ, പി അബ്ദുല് സലാം എന്നിവരും ആക്രമണത്തില്നിന്ന് രക്ഷപ്പെട്ടിരുന്നു.സക്കരിയ നല്കിയ ആദ്യമൊഴിയുടെ അടിസ്ഥാനത്തിലാണ് കണ്ണപുരം പൊലീസ് കേസെടുത്ത് അന്വേഷണം ആരംഭിച്ചത്. വളപട്ടണം സിഐയു പ്രേമനായിരുന്നു അന്വേഷണ ചുമതല.
പിന്നീട് 2016 ഫെബ്രുവരിയില് സിബിഐ അന്വേഷണത്തിന് ഉത്തരവിടുകയായിരുന്നു. ഷുക്കൂറിന്റെ മാതാവ് പി ആത്തിക്ക നടത്തിയ നിയമ പോരാട്ടത്തിന് ഒടുവിലാണ് കേസ് സിബിഐക്ക് കൈമാറിയത്. മൂന്ന് വര്ഷത്തിന് ശേഷം 2019 ഫെബ്രുവരി 11നാണ് സിബിഐ കുറ്റപത്രം സമര്പ്പിച്ചത്. കേസില് 81 സാക്ഷികളാണ് ഉണ്ടായിരുന്നത്.
Content Highlights: ariyil shukkoor case vd satheesan legal fight