LIVE TV
തിരുവനന്തപുരം: സ്വാതന്ത്ര്യ ദിന പിറ്റേന്ന് അവധി നല്കാത്തതില് പ്രതിഷേധിച്ച് പത്ര ഏജന്റുമാര് ഞായറാഴ്ച പണിമുടക്കും. സംസ്ഥാന വ്യാപകമായി നാളെ പത്ര വിതരണം നടത്തില്ലെന്ന് ന്യൂസ് പേപ്പര് ഏജന്റ്സ് അസോസിയേഷന് വ്യക്തമാക്കി. വിഷയത്തില് പലതവണ കത്ത് നല്കിയിട്ടും അനുകൂല സമീപനം ഉണ്ടായില്ലെന്നും ഇതേ തുടര്ന്നാണ് പണിമുടക്കാന് തീരുമാനിച്ചതെന്നും ന്യൂസ് പേപ്പര് ഏജന്റ്സ് അസോസിയേഷന് അറിയിച്ചു.
ഓഗസ്റ്റ് മാസം രണ്ട് അവധി വരുന്നതിനാലാണ് നാളെ പത്രം അച്ചടിക്കുന്നത് എന്നാണ് മാനേജ്മെന്റുകളുടെ വിശദീകരണം. സാധാരണഗതിയില് ഓഗസ്റ്റ് 16ന് പത്രം ഉണ്ടാകാറില്ല. കഴിഞ്ഞ വര്ഷം ഓഗസ്റ്റ് 16ലെ അവധി മറ്റൊരു ദിവസത്തിലേക്ക് മാറ്റി നല്കാം എന്നതിൻ്റെ അടിസ്ഥാനത്തില് സ്വാതന്ത്ര്യ ദിനത്തിന്റെ പിറ്റേന്ന് പത്രം വിതരണം ചെയ്തിരുന്നു. എന്നാല് ഇത്തവണ നിര്ബന്ധമായും പത്രം വിതരണം ചെയ്യണമെന്ന നിര്ദ്ദേശമാണ് പല മാനേജ്മെന്റുകളില് നിന്നും ഏജന്റുമാര്ക്ക് ലഭിച്ചത്. ഇതില് പ്രതിഷേധിച്ചാണ് സംസ്ഥാന വ്യാപകമായി പണിമുടക്കാന് ഏജന്റുമാര് തീരുമാനിച്ചത്.
അതേസമയം വിഷയത്തില് ചില മാനേജ്മെന്റുകള് അനുകൂല നിലപാട് സ്വീകരിച്ചതായാണ് വിവരം. നാളെ പത്ര വിതരണം നടത്തേണ്ടെന്നും ഓഗസ്റ്റ് പതിനേഴിന് ഞായറാഴ്ചത്തെ പത്രവും ചേര്ത്ത് വിതരണം ചെയ്താല് മതിയെന്നും ധാരണയിലെത്തിയിട്ടുണ്ടെന്നാണ് സൂചന.
Content Highlights- Newspaper agents have announced a strike on Sunday in protest against the decision not to provide a holiday on the day following Independence Day
