LIVE TV
പാലക്കാട്: ഷൊര്ണൂര് വാടാനംകുറിശ്ശിയില് വീട്ട് മുറ്റത്ത് കത്തിക്കരിഞ്ഞ നിലയില് അജ്ഞാത മൃതദേഹം കണ്ടെത്തിയ സംഭവത്തില് പൊലീസ് അന്വേഷണം ആരംഭിച്ചു. പൊയിലൂര് സ്വദേശി ജയയുടെ വീട്ടുമുറ്റത്താണ് സംഭവം. അജ്ഞാതന് വീട്ടുമുറ്റത്ത് എത്തി സ്വയം തീകൊളുത്തി മരിച്ചതാണെന്നാണ് പ്രാഥമിക നിഗമനം. ആരാണ് മരിച്ചതെന്ന് വ്യക്തമല്ല.
ഇന്നലെ അര്ദ്ധരാത്രിയാകാം സംഭവമെന്നാണ് നിഗമനം. ഇന്ന് പുലര്ച്ചെ വീട്ടിന് സമീപത്തെ തെങ്ങിന്റ ചുവട്ടിലാണ് മൃതദേഹം കത്തിക്കരിഞ്ഞ നിലയില് കണ്ടെത്തിയത്. പുലര്ച്ചെ മഴ പെയ്തതിനാല് മൃതദേഹം പൂര്ണമായും കത്താത്ത നിലയിലാണ്. ഷൊര്ണൂര് ഡിവൈഎസ്പിയുടെ നേതൃത്വത്തിലുള്ള പൊലീസ് സംഘം സ്ഥലത്തെത്തി നടപടികള് ആരംഭിച്ചു.
(ജീവിതത്തിലെ വിഷമസന്ധികള്ക്ക് ആത്മഹത്യയല്ല പരിഹാരം. സമ്മര്ദ്ദങ്ങള് അതിജീവിക്കാന് സാധിച്ചേക്കില്ലെന്ന ആശങ്കയുണ്ടാകുമ്പോള് മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. 1056 എന്ന നമ്പറില് വിളിക്കൂ, ആശങ്കകള് പങ്കുവെയ്ക്കൂ)
Content Highlights: Police have launched an investigation after a charred unidentified body was found in the courtyard of a house at Vadanamkurissi in Shoranur.
