Get the latest news at
your fingertips!
Download our app now
LIVE TV
Search
തിരുവനന്തപുരം: നടി ആക്രമിക്കപ്പെട്ട കേസില് യുഡിഎഫ് കണ്വീനര് അടൂര് പ്രകാശിന്റെ പരാമര്ശം വ്യക്തിപരമാണെന്ന് മുതിര്ന്ന കോണ്ഗ്രസ് നേതാവ് എം എം ഹസ്സൻ. യുഡിഎഫിന്റെ ചെയർമാൻ പ്രതിപക്ഷ നേതാവാണ്. നടിയെ ആക്രമിച്ച കേസിൽ അദ്ദേഹം വ്യക്തത വരുത്തിയിട്ടുണ്ടെന്നും അദ്ദേഹം പറഞ്ഞു. തദ്ദേശ തെരഞ്ഞെടുപ്പില് യുഡിഎഫിന് വലിയ മുന്നേറ്റം ഉണ്ടാകുമെന്നും എം എം ഹസ്സന് പറഞ്ഞു.
തദ്ദേശ തെരഞ്ഞെടുപ്പിൽ യുഡിഎഫ് മികച്ച വിജയം നേടുമെന്ന് കേരള കോണ്ഗ്രസ് ചെയര്മാന് പി ജെ ജോസഫ് പറഞ്ഞു. ഇടുക്കി, പത്തനംതിട്ട, കോട്ടയം ജില്ലകളിൽ കാറ്റു മാറി വീശും. നടിയെ ആക്രമിച്ച കേസില് സർക്കാർ അപ്പീൽ പോവുക സ്വാഭാവികം. അടൂർ പ്രകാശിന്റേത് വ്യക്തിപരമായ അഭിപ്രായമാണെന്നും അദ്ദേഹം പറഞ്ഞു.
ദിലീപിന് നീതി ലഭ്യമായി എന്നാണ് കരുതുന്നതെന്നാണ് അടൂര് പ്രകാശ് പറഞ്ഞത്. നടിയെന്ന നിലയില് ആ കുട്ടിയോടൊപ്പമാണെന്ന് പറയുമ്പോഴും നീതി എല്ലാവര്ക്കും കിട്ടണമെന്ന് അടൂര് പ്രകാശ് പറഞ്ഞു. തദ്ദേശ തെരഞ്ഞെടുപ്പില് വോട്ട് രേഖപ്പെടുത്തി മടങ്ങവേയായിരുന്നു അടൂര് പ്രകാശിന്റെ പ്രതികരണം.
'ദിലീപിന് നീതി ലഭ്യമായെന്നാണ് വ്യക്തിപരമായ അഭിപ്രായം. കലാകാരന് എന്ന നിലയില് മാത്രമല്ല ദിലീപുമായി നേരിട്ട് ബന്ധമുണ്ടായിരുന്ന വ്യക്തി കൂടിയാണ് ഞാന്. കോടതി നീതി നല്കി. ഉന്നത പൊലീസ് ഉദ്യോഗസ്ഥയുടെ നേതൃത്വത്തില് പൊലീസുകാര് കെട്ടിച്ചമച്ചതാണെന്ന് ദിലീപ് തന്നെ പറഞ്ഞിട്ടുണ്ട്', അടൂര് പ്രകാശ് പറഞ്ഞു.
Content Highlights: 'Adoor Prakash's remarks are personal'; MM Hassan
