LIVE TV
തിരുവനന്തപുരം: ലൈംഗിക പീഡനക്കേസിൽ പരാതിക്കാരിയായ യുവതിക്കെതിരെ ഡിജിറ്റൽ രേഖകൾ കൈമാറി പാലക്കാട് എംഎൽഎ രാഹുൽ മാങ്കൂട്ടത്തിൽ. മുദ്രവെച്ച കവറിലാണ് ജില്ലാ കോടതിക്ക് ഡിജിറ്റൽ രേഖകൾ കൈമാറിയത്.
അഭിഭാഷകൻ വഴിയാണ് 9 ഫയലുകൾ അടങ്ങുന്ന കവർ കോടതിക്ക് കൈമാറിയത്. കേസിൽ രാഹുലിന്റെ മുൻകൂർ ജാമ്യാപേക്ഷ ബുധനാഴ്ച തിരുവനന്തപുരം സെഷൻസ് കോടതി പരിഗണിക്കാനിരിക്കെയാണ് നിർണായക നീക്കം. യുവതി ഗർഭച്ഛിദ്രം നടത്തിയത് സ്വന്തം ഇഷ്ടപ്രകാരമാണെന്ന് തെളിയിക്കുന്ന രേഖകൾ ഇതിലുണ്ടെന്നാണ് വിവരം.
ഗർഭച്ഛിദ്രത്തിനായി യുവതിക്ക് മരുന്ന് എത്തിച്ചു നൽകിയ രാഹുലിന്റെ സുഹൃത്ത് ജോബി ജോസഫിന്റെ മുൻകൂർ ജാമ്യാപേക്ഷ ഇന്ന് നൽകില്ല. മറ്റൊരു ദിവസം നൽകാനാണ് പ്രതിഭാഗത്തിന്റെ തീരുമാനം. രാഹുലിന് പുറമെ ഇയാളും നിലവിൽ ഒളിവിലാണ്.
രാഹുലിനെ കണ്ടെത്താൻ ഫോൺ ലൊക്കേഷൻ അല്ലാതെ മറ്റ് വഴികൾ തേടുകയാണ് പൊലീസ്. രാഹുലിന്റെ സുഹൃത്തുക്കൾ, അടുത്ത ബന്ധമുള്ള പാർട്ടി പ്രവർത്തകർ എന്നിവരെ കേന്ദ്രീകരിച്ച് പൊലീസ് നിരീക്ഷണം ശക്തമാക്കിയിരിക്കയാണ്. ഫോൺ രാഹുലിന്റെ പേഴ്‌സണൽ സ്റ്റാഫുകളുടെ കയ്യിലാണെന്നാണ് സംശയം. ഇടയ്ക്ക് ഫോൺ ഓണാക്കുന്നത് പൊലീസിനെ തെറ്റിദ്ധരിപ്പിക്കാൻ ആണെന്നാണ് നിഗമനം. രാഹുൽ പാലക്കാട് ജില്ലയ്ക്ക് പുറത്തേയ്ക്ക് യാത്രചെയ്‌തെന്ന് പൊലീസ് സ്ഥിരീകരിച്ചു.
Content Highlights: Rahul Mamkootathil hands over digital documents against the woman
