LIVE TV
ലോകകിരീടം എന്ന സ്വപ്നവുമായി എത്തിയെങ്കിലും സെമിയിൽ പരാജയം ഏറ്റുവാങ്ങേണ്ടി വന്നവരാണ് ഫ്രാൻസും ഇംഗ്ലണ്ടും. ഇപ്പോൾ ലൂസേഴ്സ് ഫൈനലിൽ മൂന്നാം സ്ഥാനത്തിനായുള്ള മത്സരത്തിന് തയ്യാറെടുക്കുകയാണ് ഇരുടീമുകളും. ജൂലൈ 19 പുലർച്ചെ 2:30 നാണ് മത്സരം അരങ്ങേറുന്നത്. മൂന്നാം സ്ഥാനത്തിനായുള്ള പോരാട്ടത്തിനൊപ്പം തന്നെ എംബാപ്പെയ്ക്ക് ഗോൾഡൻ ബൂട്ടിൽ മുത്തമിടാനുള്ള അവസരം കൂടിയാണിത്. ഗോൾവേട്ടക്കാരുടെ പട്ടികയിൽ നിലവിൽ അർജന്റീനയുടെ ലയണൽ മെസിയും ഫ്രാൻസിന്റെ എംബാപ്പെയുമാണ് മുന്നിൽ ഉള്ളത്.
എട്ട് ഗോളുകളാണ് മെസിയും എംബാപ്പെയും ഈ ലോകകപ്പിൽ നേടിയിട്ടുള്ളത്. ഒപ്പം മെസിയ്ക്ക് ടൂർണമെന്റിൽ നാല് അസിസ്റ്റും എംബാപ്പെയ്ക്ക് മൂന്ന് അസിസ്റ്റുമാണ് ഉള്ളത്. അതായത് ഇരുതാരങ്ങളും തമ്മിൽ വലിയ വ്യത്യാസങ്ങളില്ല എന്ന്. അതുകൊണ്ട് തന്നെ ഗോൾഡൻ ബൂട്ടിനായും ഒരു പോരാട്ടം നടക്കും എന്ന് ഉറപ്പ്. കൂടാതെ ലൂസേഴ്സ് ഫൈനലിലെ ഫ്രാൻസിന്റെ എതിരാളികളായ ഇംഗ്ലണ്ടിന്റെ ഹാരി കെയ്നും ജൂഡ് ബില്ലിങ്ഹാമും ഗോൾഡൻ ബൂട്ട് റേസിൽ പട്ടികയിലുണ്ട്.
സ്പെയിനിനോട് പരാജയപ്പെട്ടായിരുന്നു ഫ്രാൻസ് ലോകകപ്പ് ഫൈനൽ കാണാതെ പുറത്തായത്. എതിരില്ലാത്ത രണ്ട് ഗോളുകൾക്കായിരുന്നു ഫ്രാൻസിന്റെ തോൽവി. ക്വാർട്ടർ വരെ മികച്ച കളി പുറത്തെടുത്ത ഫ്രഞ്ച് പടയുടെ സെമിയിലെ പ്രകടനം നിരാശാജനകമായിരുന്നു. ആരാധകരും അതിൽ നിസാര പ്രകടിപ്പിച്ചിരുന്നു. എന്നാൽ, അർജന്റീനയോട് അവസാന നിമിഷങ്ങളിൽ രണ്ട് ഗോളുകൾ വഴങ്ങിയായിരുന്നു ഇംഗ്ലണ്ട് പുറത്തായത്. അർജന്റീന പുറത്താകുമെന്ന് അവരുടെ തന്നെ ആരാധകർ കരുതിയിടത്ത് നിന്നായിരുന്നു മെസിയുടെയും സംഘത്തിന്റെയും തിരിച്ചുവരവ്. ഒന്നിനെതിരെ രണ്ട് ഗോളുകൾക്കായിരുന്നു അർജന്റീനയുടെ ജയം.
Content highlight: France and England face off for third place at FIFA World Cup 2026
