LIVE TV
ഫുട്ബോൾ ലോകകപ്പിന് മുന്നോടിയായി മാർച്ച്, ഏപ്രിൽ മാസങ്ങളിൽ നടക്കാനിരിക്കുന്ന സൗഹൃദ മത്സരങ്ങൾക്കുള്ള പോർച്ചുഗൽ സ്ക്വാഡിനെ പ്രഖ്യാപിച്ചു. പരിക്ക് കാരണം വിശ്രമത്തിൽ തുടരുന്ന സൂപ്പർ താരവും പോർച്ചുഗലിന്റെ ക്യാപ്റ്റനുമായ ക്രിസ്റ്റ്യാനോ റൊണാൾഡോ ടീമിൽ ഇടംപിടിച്ചില്ല. റോണോയ്ക്ക് പകരക്കാരനായി ബ്രാഗ മുന്നേറ്റനിര താരം റിക്കാർഡോ ഹോർട്ട ടീമിലേക്ക് തിരികെയെത്തി.
കാലിനേറ്റ പരിക്കാണ് റൊണാള്ഡോയ്ക്ക് തിരിച്ചടിയായത്. പരിക്ക് സാരമുള്ളതല്ലെന്നും എന്നാല് റിസ്കെടുക്കാനില്ലെന്നും പോര്ച്ചുഗല് പരിശീലകന് റോബര്ട്ടോ മാര്ട്ടിനെസ് വ്യക്തമാക്കിയിരിക്കുകയാണ്. രണ്ടോ മൂന്നോ ആഴ്ച സൂപ്പര് താരത്തിനു വിശ്രമം വേണ്ടി വരുമെന്നും പരിശീലകന് കൂട്ടിച്ചേർത്തു.
മെക്സിക്കോ, യുഎസ്എ ടീമുകള്ക്കെതിരെയാണ് പോര്ച്ചുഗല് സൗഹൃദ പോരാട്ടത്തിനൊരുങ്ങുന്നത്. ഈ മാസം 29നാണ് മെക്സിക്കോയ്ക്കെതിരായ പോരാട്ടം. ഏപ്രില് ഒന്നിന് യുഎസ്എയുമായും പോര്ച്ചുഗല് ഏറ്റുമുട്ടും.
Content Highlights: Cristiano Ronaldo to miss Portugal Friendlies for full injury recovery
