LIVE TV
ഐ പി എൽ പത്തൊമ്പതാം സീസണിന് നാളെ തുടക്കമാകുകയാണ്. ബെംഗളൂരു ചിന്നസ്വാമി സ്റ്റേഡിയത്തിൽ നടക്കുന്ന ആദ്യ പോരാട്ടത്തിൽ നിലവിലെ ചാമ്പ്യന്മാരായ റോയൽ ചലഞ്ചേഴ്സ് ബെംഗളൂരു കരുത്തരായ സൺറൈസേഴ്സ് ഹൈദരാബാദിനെ നേരിടും. രാത്രി 7 .30 മുതലാണ് മത്സരം.
കഴിഞ്ഞ ദിവസമാണ് ഐ.പി.എൽ 19ാം സീസന്റെ മുഴുവൻ ഷെഡ്യൂൾ ബി.സി.സി.ഐ പുറത്ത് വിട്ടത്. ഇക്കുറി ഗ്രൂപ്പ് ഘട്ടത്തിൽ മുംബൈയും ചെന്നൈയും രണ്ട് തവണയാണ് ഏറ്റുമുട്ടാൻ പോവുന്നത്. സ്ട്രക്ച്ചറിൽ അടിമുടി മാറ്റമാണ് ഇത്തവണ. മൊത്തം ടീമുകളെ നേടിയ കിരീടങ്ങളുടെ അടിസ്ഥാനത്തിൽ രണ്ട് ഗ്രൂപ്പുകളായി തിരിച്ചിരിക്കുന്നു.
ഗ്രൂപ്പ് എയിലുള്ള ടീമുകൾ പരസ്പരം ഓരോ തവണയും ഗ്രൂപ്പ് ബിയിലുള്ളവരുമായി രണ്ട് തവണയുമാണ് ഏറ്റുമുട്ടുക. തിരിച്ചും അങ്ങനെ തന്നെ. ഗ്രൂപ്പ് എയിൽ സി.എസ്.കെ , കൊൽക്കത്ത, രാജസ്ഥാൻ, ആർ.സി.ബി പഞ്ചാബ് ടീമുകളാണുള്ളത്. ഗ്രൂപ്പ് ബിയിൽ മുംബൈ, എസ്.ആർ.എച്ച്, ഗുജറാത്ത്, ഡൽഹി, ലഖ്നൗ ടീമുകൾ.
മുൻ സീസണുകളിൽ ഒരേ ഗ്രൂപ്പിലുള്ളവർ രണ്ട് തവണയും ഓപ്പോസിറ്റ് ഗ്രൂപ്പിലുള്ളവരുമായി ഓരോ തവണയും ഏറ്റുമുട്ടുന്ന രീതിയായിരുന്നു ഉണ്ടായിരുന്നത്. ഇക്കുറി അത് നേരെ തിരിച്ചായി. ഇതോടെ മുംബൈ ആർ.സി.ബി ആവേശപ്പോരിനും ഗ്രൂപ്പ് ഘട്ടത്തിൽ രണ്ട് തവണ കളമൊരുങ്ങും.
Content Highlights:ipl-schedule-csk-vs-rcb-single-match-reason-explained
