LIVE TV
ടി20 ലോകകപ്പ് ഫൈനലിൽ ന്യൂസിലൻഡിനെ 96 റൺസിന് തകർത്ത് ഇന്ത്യ മൂന്നാം തവണയും ലോകകിരീടം സ്വന്തമാക്കിയിരിക്കുകയാണ്. കഴിഞ്ഞ തവണ രോഹിത്തും സംഘവും നേടിയ കിരീടം നിലനിർത്തിയ ക്യാപ്റ്റൻ സൂര്യകുമാര് യാദവ്. മത്സരശേഷം പിച്ചിനെ വന്ദിച്ച് മണ്ണെടുത്ത് നെറ്റിയില് പൂശി.
വിജയാഘോഷങ്ങൾക്കിടയിൽ സൂര്യകുമാർ യാദവ് പിച്ചിന്റെ നടുവിലേക്ക് നടന്നുചെന്ന്, കുനിഞ്ഞ് മണ്ണിൽ തൊട്ട് വന്ദിക്കുകയും അത് നെറ്റിയിൽ പൂശുകയുമായിരുന്നു. ഇന്ത്യയെ വിജയത്തിലേക്ക് നയിച്ച പിച്ചിനോടുള്ള ആദരസൂചകമായിട്ടായിരുന്നു സൂര്യകുമാർ പച്ചിനെ വന്ദിച്ചത്.
2024ലെ ടി20 ലോകകപ്പ് ജയിച്ചശേഷം ഇന്ത്യൻ ക്യാപ്റ്റനായിരുന്ന രോഹിത് ശര്മ ബാര്ബഡോസിലെ പിച്ചിനരികെയെത്തി മുട്ടുകുത്തിയിരുന്ന് മണ്ണെടുത്ത് കടിച്ചിരുന്നു. ടെന്നീസ് താരം നൊവാക് ജോക്കോവിച്ച് വിജയങ്ങള്ക്ക് ശേഷം കോര്ട്ടിലെ പുല്ല് എടുത്ത് കടിക്കുന്നതിനെ അനുകരിച്ചായിരുന്നു രോഹിത് അങ്ങനെ ചെയ്തത്. ഈ ചിത്രങ്ങൾ ആരാധക മനസില് ഇപ്പോഴും മായാത്ത ഓര്മയാണ്. ഇതിന് സമാനമായാണ് സൂര്യകുമാര് യാദവ് ഇന്നലെ പിച്ചിനെ വന്ദിച്ച് മണ്ണെടുത്ത് നെറ്റിയില് പൂശിയത്.
കഴിഞ്ഞ ലോകകപ്പില് കിരീടം വാങ്ങാനെത്തിയ രോഹിത് 2022ലെ ഫുട്ബോള് ലോകകപ്പ് നേടിയശേഷം ലിയോണ് മെസി നടന്ന പൂച്ച നടത്തത്തെ അനുകരിച്ചായിരുന്നു കപ്പ് ഏറ്റുവാങ്ങിയതെങ്കില് ഇന്നെലെ അത്തരം നാടകീയതയൊന്നുമുണ്ടായില്ല. ഐസിസി ചെയര്മാന് ജയ് ഷായില് നിന്ന് നിറഞ്ഞ ചിരിയോടെ ക്യാപ്റ്റൻ സൂര്യകുമാര് യാദവ് ഇന്ത്യയുടെ മൂന്നാം കിരീടം ഏറ്റുവാങ്ങി.
Content Highlights: rohit-sharma barbados suryakumar yadav ahmedabad pitch emotional moment
