Get the latest news at
your fingertips!
Download our app now
LIVE TV
Search
ഒടുവിൽ ഇന്ത്യൻ ക്യാപ്റ്റനെ ഭാഗ്യം തേടിയെത്തി. തുടർച്ചയായ ആറ് മത്സരങ്ങൾക്ക് ശേഷം ശുഭ്മാൻ ഗില്ലിന് ടോസ് ലഭിച്ചു. ഇംഗ്ലണ്ട് പര്യടനത്തിലെ അഞ്ച് കളികളിലും ഗില്ലിനു ടോസ് നഷ്ടമായിരുന്നു. പിന്നാലെ ഈ പരമ്പരയിലെ ആദ്യ മത്സരത്തിലും ടോസ് കിട്ടിയില്ല. എന്നാൽ വിൻഡീസിനെതിരെ രണ്ടാമത്തെയും അവസാനത്തെയും ടെസ്റ്റിൽ ഗില്ലിന് ടോസ് ലഭിക്കുകയും ബാറ്റിങ് തിരഞ്ഞെടുക്കുകയും ചെയ്തു.
ഡൽഹി അരുൺ ജെയ്റ്റ്ലി സ്റ്റേഡിയത്തിൽ നടക്കുന്ന മത്സരത്തിൽ ടോസ് നേടിയ ഇന്ത്യ മികച്ച തുടക്കമാണ് നേടിയത്. 34 ഓവർ പിന്നിടുമ്പോൾ ഒരു വിക്കറ്റ് നഷ്ടത്തിൽ 131 റൺസ് നേടിയിട്ടുണ്ട്. യശ്വസി ജയ്‌സ്വാൾ 66 റൺസുമായും സായ് സുദർശൻ 31 റൺസുമായും ക്രീസിലുണ്ട്.
8 റൺസെടുത്ത കെ എൽ രാഹുലിന്റെ വിക്കറ്റാണ് ഇന്ത്യയ്ക്ക് നഷ്ടമായത്. പതിവിന് വിപരീതമായി ആക്രമിച്ചു കളിച്ച രാഹുൽ 54 പന്തിൽ ഒരു സിക്‌സും അഞ്ചുഫോറുകളും അടക്കമാണ് 38 റൺസ് നേടിയത്.
ഈ മത്സരത്തില്‍ വിജയിച്ചാല്‍ സമ്പൂര്‍ണ ജയത്തോടെ ഇന്ത്യയ്ക്ക് പരമ്പര സ്വന്തമാക്കാം. രണ്ട് മത്സരങ്ങളടങ്ങിയ പരമ്പരയിലെ ആദ്യ മത്സരത്തില്‍ ഇന്നിങ്സിനും 140 റണ്‍സിനുമാണ് ഇന്ത്യ ജയിച്ചത്. ആദ്യ മത്സരം വിജയിച്ച ടീമില്‍ മാറ്റങ്ങളൊന്നുമില്ലാതെയാണ് ഇന്ത്യ രണ്ടാം ടെസ്റ്റിനും ഇറങ്ങുന്നത്.
Content Highlights: IND vs WI, 2nd Test: shubhman gill get toss after 6 matchs
