Get the latest news at
your fingertips!
Download our app now
LIVE TV
Search
ഇന്ത്യയില് കാന്സര് കേസുകള് വര്ധിച്ചുകൊണ്ടിരിക്കുന്നതായാണ് റിപ്പോര്ട്ടുകള് സൂചിപ്പിക്കുന്നത്. കണക്കുകള് പ്രകാരം 2026 അവസാനം ആകുമ്പോഴേക്കും പ്രതിവര്ഷം 15 ലക്ഷത്തിലധികം പുതിയ കേസുകള് പ്രതീക്ഷിക്കുന്നതായാണ് ആരോഗ്യ പ്രവര്ത്തകര് പറയുന്നത്. ജീവിത ശൈലിയും ജനിതകമായ കാരണങ്ങളും ഇക്കാര്യത്തില് ഒരു പ്രധാന പങ്ക് വഹിക്കുന്നുണ്ടെങ്കിലും നമ്മുടെ വീടുകളില് ഉപയോഗിക്കുന്ന ചില നിത്യോപയോഗ വസ്തുക്കളും ആരോഗ്യ അപകടങ്ങള്ക്ക് കാരണമാകുന്നുണ്ട്. അത്തരത്തില് ഉപയോഗിക്കുമ്പോള് ശ്രദ്ധിക്കേണ്ട വസ്തുക്കള് എന്തൊക്കെയാണെന്നറിയാം.
പാത്രം കഴുകുന്ന സ്പോഞ്ച് എങ്ങനെയാണ് ആരോഗ്യ പ്രശ്നങ്ങള് ഉണ്ടാക്കുന്നതെന്നാവും നിങ്ങള് ആലോചിക്കുന്നത്. സ്പോഞ്ചുകളില് സൂക്ഷ്മ ബാക്ടീരിയകള് ഉണ്ടാകാം. അവ പാത്രങ്ങളില് പറ്റിപ്പിടിച്ചിരിക്കുകയും അതുവഴി ശരീരത്തില് എത്തുകയും നമ്മുടെ രോഗ പ്രതിരോധ ശേഷിയെ ദുര്ബലമാക്കുകയും ചെയ്യും.
സംസ്കരിച്ചതും വറുത്തതും പൊരിച്ചതുമൊക്കെയായ ലഘുഭക്ഷണങ്ങളുടെ പതിവ് ഉപയോഗം ആരോഗ്യത്തിന് ഹാനികരമാണ്. ഈ ഭക്ഷണങ്ങളില് രാസവസ്തുക്കളും പ്രിസര്വേറ്റീവുകളും മറ്റും അടങ്ങിയിട്ടുണ്ടാവും. ഇത് കാലക്രമേണ കാന്സറിനുള്ള സാധ്യത വര്ധിപ്പിക്കുന്നു.
പഞ്ചസാര കൂടുതലുള്ള ഭക്ഷണ പാനിയങ്ങള് പ്രത്യേകിച്ച് ഫാസ്റ്റ് ഫുഡ് മിതമായി കഴിക്കണം. അമിതമായി പഞ്ചസാര കഴിക്കുന്നത് പ്രമേഹം പോലെയുള്ള അസുഖങ്ങള് വരാന് കാരണമാകും. ചില പഠനങ്ങള് പ്രകാരം ഇത് കാന്സര് സാധ്യത വര്ധിപ്പിക്കുമെന്നും കണ്ടെത്തിയിട്ടുണ്ട്.
അടുക്കളകളില് ഭക്ഷണവസ്തുക്കള് ഇട്ട് വയ്ക്കാനും മറ്റും പ്ലാസ്റ്റിക് പാത്രങ്ങള് വ്യാപകമായി ഉപയോഗിക്കപ്പെടുന്നു. പക്ഷേ അവ അത്ര സുരക്ഷിതമായിരിക്കില്ല. ദോഷകരമായ രാസവസ്തുക്കള് ഭക്ഷണത്തിലേക്ക് ഒഴുകിയെത്തിയേക്കാം. പ്രത്യേകിച്ച് ഭക്ഷണം ചൂടായിരിക്കുന്ന അവസ്ഥയില്. അതുകൊണ്ടുതന്നെ മൈക്രോപ്ലാസ്റ്റിക്കുകളും വിഷവസ്തുക്കളും ശരീരത്തില് പ്രവേശിക്കാന് സാധ്യതയുണ്ട്. അതിനാല് പ്ലാസ്റ്റിക് പാത്രത്തില് ഭക്ഷണം സൂക്ഷിക്കുന്നത് ഒഴിവാക്കണം. പ്രത്യേകിച്ച് ചൂടുള്ള ഭക്ഷണങ്ങള്.
പ്ലാസ്റ്റിക് പാത്രങ്ങള് പോലെതന്നെ അലുമിനിയം ഫോയിലുകളും അപകടകാരികളാണ്. ഭക്ഷണം പൊതിയാനോ പാചകം ചെയ്യുന്ന ആവശ്യങ്ങളിലേക്കോ ഇവ ഉപയോഗിക്കാറുണ്ട്. അസിഡിറ്റി ഉള്ളതോ ഉപ്പിലിട്ടതോ ആയ ഭക്ഷണങ്ങള് അലുമിനിയം ഫോയില് ഉപയോഗിച്ച് പൊതിയുന്നത് ലോഹ കണികകള് ഭക്ഷണത്തിലേക്ക് ഒഴുകാന് കാരണമാകുന്നു.ഇത് അരോഗ്യത്തിന് വളരെയധികം ദോഷം ചെയ്യും.
നോണ്-സ്റ്റിക് പാത്രങ്ങള് ഉപയോഗിക്കുന്നത് സൗകര്യപ്രദമാണ്. എന്നാല് അതുപോലെതന്നെ ദോഷകരവുമാണ്. അമിതമായി ചൂടാകുമ്പോള് നോണ്സ്റ്റികിലെ കോട്ടിംഗ് വിഷാംശമുള്ള രാസവസ്തുക്കള് പുറത്തുവിടുന്നു.ഇത് ആരോഗ്യപ്രശ്നങ്ങള് ഉണ്ടാക്കുന്നു. നോണ് സ്റ്റിക് പാത്രങ്ങള് ഉപയോഗിക്കുമ്പോള് അവയിലെ കോട്ടിംഗിന് പോറലോ കേടുപാടുകളോ സംഭവിച്ചിട്ടുണ്ടെങ്കില് ഒരുകാരണവശാലും അവ ഉപയോഗിക്കരുത്. കേടുപാടുകള് സംഭവിച്ച കോട്ടിംഗുകള് ഭക്ഷണവുമായി കലരുകയും കരള്, ശ്വാസകോശം തുടങ്ങിയ അവയവങ്ങളെ പ്രതികൂലമായി ബാധിക്കുകയും ചെയ്യുന്നു.
(ഈ ലേഖനം വിവരങ്ങള് നല്കുന്നതിന് വേണ്ടി മാത്രമാണ്. ആരോഗ്യ സംബന്ധമായ പ്രശ്നങ്ങള്ക്ക് ഒരു ഡോക്ടറുടെ സേവനം തേടേണ്ടത് അത്യാവശ്യമാണ്)
Content Highlights : Although lifestyle and genetic factors play a major role in the development of cancer, some everyday items used in our homes also pose health risks. Let's know what items to be careful about when using such items.
