സോളാറില് നിയമസഭയില് ചര്ച്ച; അടിയന്തര പ്രമേയ ചര്ച്ച ഒരു മണിക്ക്

ഒരു മണി മുതല് മൂന്ന് മണി വരെയാണ് ചര്ച്ച നടക്കുക.

dot image

തിരുവനന്തപുരം: സോളാര് പീഡനക്കേസിലെ സിബിഐ റിപ്പോര്ട്ടിലെ അടിയന്തര പ്രമേയ നോട്ടീസില് ഇന്ന് ചര്ച്ച നടക്കും. ഉച്ചക്ക് ഒരു മണിക്കാണ് പ്രതിപക്ഷത്തിന്റെ നോട്ടീസിന്മേല് ചര്ച്ച നടക്കുക. ഷാഫി പറമ്പില് നല്കിയ നോട്ടീസിലാണ് ചര്ച്ച ആവാമെന്ന നിലപാട് സര്ക്കാരെടുത്തത്.

സോളാര് ലൈംഗികാരോപണത്തില് മുന് മുഖ്യമന്ത്രി ഉമ്മന് ചാണ്ടിയെ കുടുക്കാന് ഗൂഢാലോചന നടന്നെന്ന സിബിഐ റിപ്പോര്ട്ടില് ചര്ച്ച വേണമെന്നാണ് പ്രതിപക്ഷം ആവശ്യപ്പെട്ടത്. ഈ ആവശ്യം അംഗീകരിച്ചുകൊണ്ടാണ് ചര്ച്ചക്ക് അനുമതി നല്കിയത്.

ഷാഫി പറമ്പിലിന്റെ നോട്ടീസിന് മുഖ്യമന്ത്രി മറുപടി പറഞ്ഞു. വിഷയവുമായി ബന്ധപ്പെട്ട സിബിഐ റിപ്പോര്ട്ട് സര്ക്കാരിന്റെ കൈവശം ഇല്ല. ഊഹാപോഹത്തിന്റെ അടിസ്ഥാനത്തില് മറുപടി പറയാന് സാധിക്കില്ല. അതുകൊണ്ടു തന്നെ വിഷയത്തില് ചര്ച്ച ആകാമെന്നും അദ്ദേഹം പറഞ്ഞു.

dot image
To advertise here,contact us
dot image