LIVE TV
11 വർഷമായി ഭാഗ്യം പരീക്ഷിച്ചിരുന്ന മലയാളിക്ക് ഒടുവിൽ ഭാഗ്യം കൈവന്നു. ദുബായ് ഡ്യൂട്ടി ഫ്രീയുടെ മില്ലേനിയം മില്യണയർ നറുക്കെടുപ്പിൽ 38-കാരനായ ഷഹീൻ സാഹില ബഷീർ മുഹമ്മദ് ഒരു മില്യൺ ഡോളർ സമ്മാനം നേടി. ആറു വർഷം മുമ്പ് അൽ ഐനിലേക്ക് താമസം മാറിയ അദ്ദേഹം നിലവിൽ മുസഫയിലെ ഒരു നിർമാണ കമ്പനിയിൽ സീനിയർ എസ്റ്റിമേഷൻ എഞ്ചിനീയറായി ജോലി ചെയ്യുകയാണ്.
'ദുബായ് ഡ്യൂട്ടി ഫ്രീയ്ക്ക് നന്ദി. നിങ്ങളുടെ പ്രമോഷൻ ആളുകളുടെ സ്വപ്നങ്ങൾ സാക്ഷാത്കരിക്കാനും അവരുടെ ലക്ഷ്യങ്ങൾ കൈവരിക്കാനും അവസരം നൽകുന്നു. ഒക്ടോബർ 16-ന് എനിക്ക് 39 വയസ് തികയുകയാണ്. അതിനാൽ ഇത് എനിക്ക് ലഭിച്ച നേരത്തെയുള്ള പിറന്നാൾ സമ്മാനമാണ്' എന്ന് വിജയ വാർത്ത അറിഞ്ഞപ്പോൾ അദ്ദേഹം പ്രതികരിച്ചു. ലഭിച്ച തുക ഉപയോഗിച്ച് സ്വന്തം നാട്ടിൽ ഒരു വീട് വാങ്ങാനും ശേഷിക്കുന്ന തുക മകളുടെ വിദ്യാഭ്യാസത്തിനായി മാറ്റിവെക്കാനുമാണ് തീരുമാനിച്ചിരിക്കുന്നതെന്ന് അദ്ദേഹം പറഞ്ഞു.
കൂടാതെ ഇതേ നറുക്കെടുപ്പിൽ മറ്റ് രണ്ട് പേരും ആഡംബര വാഹനങ്ങൾ സ്വന്തമാക്കി. ഇറാഖ് പൗരനായ ആര്യ മുസ്തഫ BMW X6 M Competition (Isle of Man Green Metallic) കാർ നേടി. ദുബായിലെ കരാമയിലെ ഒരു ടെലിഫോൺ ആക്‌സസറീസ് കടയിൽ ജോലി ചെയ്യുന്ന 65-കാരനായ ഇന്ത്യൻ പ്രവാസി സെയ്യാലി ഷംസുദ്ദീൻ ആണ് മറ്റൊരു വിജയി. Finest Surprise Series 680-ൽ ടിക്കറ്റ് നമ്പർ 0270 വഴി അദ്ദേഹം Aprilia Tuono V4 Factory 1100 (Shakedown Indigo) മോട്ടോർബൈക്കും സ്വന്തമാക്കി.
Content Highlights: Indian expatriate Shaheen Sahila Basheer Mohammed won $1 million in the Dubai Duty Free Millennium Millionaire draw after participating regularly for 11 years.
