Get the latest news at
your fingertips!
Download our app now
LIVE TV
Search
കുവൈത്തില് റമദാന് മാസത്തിലെ പുതുക്കിയ സ്കൂള് പ്രവൃത്തി സമയം പ്രഖ്യാപിച്ചു. വിദ്യാര്ത്ഥികള്ക്കും അധ്യാപകര്ക്കും മറ്റ് ജീവനക്കാര്ക്കും ഒരുപോലെ സൗകര്യപ്രദമായ രീതിയിലാണ് ഇത്തവണ സമയക്രമം നിശ്ചയിച്ചിരിക്കുന്നത്. വിശുദ്ധ റമദാന് മാസത്തോടനുബന്ധിച്ച് കുവൈത്തിലെ സര്ക്കാര് സ്കൂളുകള്ക്കും സ്വകാര്യ അറബിക് സ്കൂളുകള്ക്കുമുള്ള പുതിയ പ്രവൃത്തി സമയമാണ് വിദ്യാഭ്യാസ മന്ത്രാലയം പ്രഖ്യാപിച്ചിരിക്കുന്നത്.
പുതിയ ഉത്തരവ് പ്രകാരം കിന്റര്ഗാര്ട്ടന് വിഭാഗത്തിലെ കുട്ടികള്ക്ക് രാവിലെ 9:40-ന് ക്ലാസുകള് ആരംഭിക്കും. ഉച്ചയ്ക്ക് 12:55 മുതല് 1:10 വരെയുള്ള സമയത്തിനുള്ളില് ക്ലാസുകള് അവസാനിക്കുന്ന രീതിയിലാണ് ക്രമീകരണം. പ്രൈമറി സ്കൂളുകളില് രാവിലെ 9:25 മുതല് ഉച്ചയ്ക്ക് 1:45 വരെയാണ് സമയം നിശ്ചയിച്ചിരിക്കുന്നത്. 30 മിനിറ്റ് ദൈര്ഘ്യമുള്ള ഏഴ് പിരീഡുകളും പതിനഞ്ച് മിനിറ്റ് വീതമുള്ള രണ്ട് ഇടവേളകളും പ്രൈമറി വിഭാഗത്തിന് ഉണ്ടാകും.
മിഡില് സ്കൂള് വിദ്യാര്ത്ഥികള്ക്ക് രാവിലെ 9:20 മുതല് ഉച്ചയ്ക്ക് 2:00 വരെയും സെക്കന്ഡറി വിഭാഗത്തിന് രാവിലെ 9:30 മുതല് ഉച്ചയ്ക്ക് 2:10 വരെയുമാണ് ക്ലാസുകള് നടക്കുക. സ്കൂളിലെ അധ്യാപകര്ക്കും മറ്റ് ജീവനക്കാര്ക്കും ഫ്ലെക്സിബിള് വര്ക്കിംഗ് അവേഴ്സ് സംവിധാനവും മന്ത്രാലയം ഏര്പ്പെടുത്തിയിട്ടുണ്ട്. രാവിലെ 8:30-നും 9:30-നും ഇടയില് എപ്പോള് വേണമെങ്കിലും ജോലിയില് പ്രവേശിക്കാവുന്നതാണ്. നാലര മണിക്കൂറാണ് മൊത്തം ജോലി സമയം.
റമദാന് കാലയളവില് ഹാജര് രേഖപ്പെടുത്താന് ഫിംഗര്പ്രിന്റ് സിസ്റ്റം നിര്ബന്ധമാക്കിയിട്ടുണ്ട്. അതേസമയം രാവിലെ എത്തുന്നവര്ക്ക് പരമാവധി 67 മിനിറ്റ് വരെ ഇളവും ലഭിക്കും. ഭിന്നശേഷി വിഭാഗത്തില്പ്പെട്ടവര്ക്ക് അതോറിറ്റിയുടെ പ്രത്യേക അനുമതിയോടെ അനുവദിച്ചിട്ടുള്ള ഇളവുകള് ഒഴികെ മറ്റെല്ലാ പ്രത്യേക ഇളവുകളും റമദാന് മാസത്തില് റദ്ദാക്കിയതായും മന്ത്രാലയം വ്യക്തമാക്കി. പഠനപ്രവര്ത്തനങ്ങള് തടസ്സമില്ലാതെ മുന്നോട്ട് കൊണ്ട് പോകുന്നതിനും വിശ്വാസികള്ക്ക് ബുദ്ധിമുട്ട് ഉണ്ടാകാത്ത രീതിയിലുമാണ് ഈ സമയക്രമം ക്രമീകരിച്ചിരിക്കുന്നതെന്നും വിദ്യാഭ്യാസ മന്ത്രാലയം വ്യക്തമാക്കി.
Content Highlights: Kuwait has announced revised school working hours for Ramadan, which is expected to start on February 18, 2026. However, the specific revised hours have not been provided in the search results.
