LIVE TV
മനാമ: ബഹ്റൈൻ കേരള നേറ്റീവ് ബോൾ ഫെഡറേഷന്റെ ആഭിമുഖ്യത്തിൽ ജോബിൻ പുതുപ്പറമ്പിൽ മെമ്മോറിയൽ ഏവർ റോളിംഗ് ട്രോഫിക്ക് വേണ്ടിയുള്ള ആറാമത് 20/20 നാടൻ പന്ത് കളി ടൂർണമെന്റിന്റെ ഫൈനൽ മത്സരത്തിൽ പാമ്പൂരാൻപാറ ടീമിനെ പരാജയപ്പെടുത്തി തോട്ടപ്പള്ളി ടീം ജേതാക്കൾ ആയി. ഉച്ചകഴിഞ്ഞ് മൂന്ന് മണിക്ക് ന്യൂ സിഞ്ച് മൈതാനിയിൽ ഫൈനൽ മത്സരം ആരംഭിച്ചു. സാമൂഹിക പ്രവർത്തകൻ കെടി സലിം സമാപന സമ്മേളനം ഉദ്ഘാടനം ചെയ്തു. ബികെഎൻബിഎഫ് പ്രസിഡന്റ് റിന്റോമോൻ തോമസ് അധ്യക്ഷത വഹിച്ച സമാപന സമ്മേളനത്തിൽ ചെയർമാൻ റെജി കുരുവിള, ഒഐസിസി കോട്ടയം ജില്ലാ പ്രസിഡന്റ് ഷിജു പുന്നവേലിൽ, കെഎൻബിഎ രക്ഷധികാരി മോബി കുര്യാക്കോസ്, ജോയിന്റ് സെക്രട്ടറി രൂപേഷ്, സിനു ജോബിൻ എന്നിവർ ആശംസകൾ നേർന്ന് കൊണ്ട് സംസാരിച്ചു.
പാമ്പൂരാൻപാറ ടീമിന്റെ ശ്രീരാജ് മികച്ച പൊക്കി വെട്ടുകാരൻ, മികച്ച കൈവെട്ടുകാരൻ, തോട്ടപ്പള്ളി ടീമിന്റെ ആന്റോ മികച്ച പിടുത്തക്കാരൻ, വെള്ളൂർ ടീമിന്റെ ബിനു ടൂർണമെന്റിലെ മികച്ച കളിക്കാരൻ, കെഎൻബിഎ ടീമിന്റെ റഫീഖ് അച്ചടക്കമുള്ള കളിക്കാരൻ, തോട്ടപ്പള്ളി ടീമിന്റെ ആദിത്യൻ നവാഗത പ്രതിഭ എന്നിവർ വ്യക്തിഗത സമ്മാനങ്ങൾക്ക് അർഹരായി. വിജയികൾക്ക് മുഖ്യ അഥിതി കെടി സലിം സമ്മാനങ്ങൾ വിതരണം ചെയ്തു. ബികെഎൻബിഎഫ് സെക്രട്ടറി നിഖിൽ തോമസ് സ്വാഗതം ആശംസിച്ച സമാപനസമ്മേളനത്തിൽ രക്ഷധികാരി സാജൻ തോമസ് കൃതജ്ഞാതയും രേഖപ്പെടുത്തി.
Content Highlights: The Thottappally Team clinched the title at the Bahrain Kerala Native Ball Federation 20/20 Tournament. The team delivered an impressive performance to secure victory and earn the championship trophy.
