LIVE TV
മലപ്പുറം: കരിപ്പൂരില് വീണ്ടും സ്വര്ണം പൊട്ടിക്കല് സംഘത്തിന്റെ കവര്ച്ചാ ശ്രമം. രണ്ട് സംഘങ്ങളായി എത്തിയ 13 പേരെ അറസ്റ്റ് ചെയ്തു. കരിപ്പൂര് പൊലീസാണ് അറസ്റ്റ് ചെയ്തത്. ഇവരില് നിന്ന് രണ്ട് കാറുകളും ഇരുചക്രവാഹനവും പിടിച്ചെടുത്തു. പുറത്ത് രണ്ട് വാഹനങ്ങളിലായി ഉണ്ടായിരുന്ന മൂന്ന് പേര് രക്ഷപ്പെട്ടെന്നും പൊലീസ് പറഞ്ഞു.
കരിപ്പൂരില് എത്തിയ യാത്രക്കാരനെ കാണാനില്ലന്നും പരാതിയുണ്ട്. മലപ്പുറം മുണ്ടുപറമ്പ് സ്വദേശി മുഹമ്മദ് സല്മാന് സാലിഹി(26)നെയാണ് കാണാതായത്. ബന്ധുക്കള് കരിപ്പൂര് പൊലീസില് പരാതി നല്കി. കണ്ണൂര് സ്വദേശികളുടെ നിര്ദ്ദേശ പ്രകാരമാണ് പ്രതികള് കരിപ്പൂരില് എത്തിയത്. സൗദി അറേബ്യയില് ജോലി ചെയ്യുന്ന കണ്ണൂര് പടന്നോട്ട് സ്വദേശി അന്സാര്, പരപ്പനങ്ങാടി പുത്തന്കടപ്പുറം സ്വദേശി അലി അക്ബര് എന്നിവരുടെ നിര്ദേശപ്രകാരമാണ് സംഘങ്ങള് എത്തിയതെന്നാണ് വിവരം.
Content Highlights: Gold Smuggling Gang Attempts Another Robbery Near Karipur Airport
