LIVE TV
ഇക്കാലത്ത് മിക്കവാറും എല്ലാ സ്മാര്ട്ട്ഫോണ് ഉപയോക്താക്കളും ഇയര്ബഡുകള് ഉപയോഗിക്കാറുണ്ട്. പലരും പാട്ട് കേള്ക്കാനും കോളുകള് വിളിക്കാനും വീഡിയോകള് കാണാനും മാത്രമാണ് ഇയര് ബഡുകള് ഉപയോഗിക്കാറുള്ളത്. എന്നാല് പലര്ക്കും അറിയാത്ത ധാരാളം സ്മാര്ട്ട് സവിശേഷതകള് ഇയര്ബഡുകള് വാഗ്ദാനം ചെയ്യുന്നുണ്ടെന്ന് നിങ്ങള്ക്കറിയാമോ?
ആധുനിക ഇയര്ബഡുകളില് ടച്ച് കണ്ട്രോളുകള് ഉണ്ട്. ഇത് പാട്ടുകള് മാറ്റാനും, സംഗീതം താല്ക്കാലികമായി നിര്ത്താനോ പ്ലേ ചെയ്യാനോ, കോളുകള്ക്ക് മറുപടി നല്കാനോ അവസാനിപ്പിക്കാനോ സഹായിക്കുന്നു. പല ഇയര്ബഡ് മോഡലുകളും ഒറ്റ ടാപ്പില് ഒരു വോയ്സ് അസിസ്റ്റന്റ് സജീവമാക്കുന്നു. ഇത് ഫോണ് നിരന്തരം ഉപയോഗിക്കേണ്ടതിന്റെ ആവശ്യകത ഇല്ലാതാക്കുന്നു.
പല പ്രീമിയം, മിഡ് റേഞ്ച് ഇയര്ബഡുകളും ട്രാന്സ്പരന്സി അല്ലെങ്കില് ആംബിയന്റ് മോഡ് ഉള്ളവയാണ്. ഈ സവിശേഷിത പുറമേയുള്ള ശബ്ദങ്ങള് കൂടി കേള്ക്കാന് അനുവദിക്കുന്നു. റോഡിലൂടെ നടക്കുമ്പോഴോ, ഓഫീസില് ജോലി ചെയ്യുമ്പോഴോ, ആരോടെങ്കിലും സംസാരിക്കുമ്പോഴോ ഈ സവിശേഷിത വളരെ ഉപയോഗപ്രദമാണ്. കാരണം ഇയര്ബഡുകള് ചെവിയില്നിന്ന് നീക്കം ചെയ്യാതെതന്നെ പുറമേയുള്ള ശബ്ദങ്ങള് കേള്ക്കാം.
പലപ്പോഴും ഇയര് ബഡുകള് എവിടെയാണ് ഉപേക്ഷിച്ചതെന്ന് ആളുകള് മറക്കാറുണ്ട്. ഭാഗ്യവശാല്, പല കമ്പനികളും ' Find my earbuds ' എന്ന സവിശേഷത വാഗ്ദാനം ചെയ്യുന്നു. ഒരു മൊബൈല് ആപ്പ് ഉപയോഗിച്ച്, ഇയര്ബഡുകളില് നിന്ന് ഒരു ശബ്ദം പ്ലേ ചെയ്തുകൊണ്ട് നിങ്ങള്ക്ക് അടുത്തത് എളുപ്പത്തില് കണ്ടെത്താന് കഴിയും.
മൊബൈല് ഗെയിമുകള് കളിക്കുന്നവര്ക്ക് ഈ സവിശേഷത വളരെ ഉപകാരപ്രദമാകും. ലോ-ലേറ്റന്സി മോഡ് ഓഡിയോയ്ക്കും വീഡിയോയ്ക്കും ഇടയിലുള്ള കാലതാമസം കുറയ്ക്കുന്നു. ഗെയിം കളിക്കുന്നവര്ക്ക് പല ശബ്ദ ഇഫക്റ്റുകളുടെയും കൃത്യമായ സമയം ഇത് മനസിലാക്കിത്തരുന്നു.
പുതുതലമുറ ഇയര്ബഡുകളില് പലതിലും AI-അധിഷ്ഠിത സവിശേഷതകള് ഉള്പ്പെടുത്തിയിട്ടുണ്ട്. ചില മോഡലുകളില് തത്സമയ ഭാഷ വിവര്ത്തനം ചെയ്യാനുള്ളഫീച്ചര് ഉണ്ട്. ഇത് വ്യത്യസ്ത ഭാഷകള് സംസാരിക്കുന്ന ആളുകളുമായി ആശയവിനിമയം നടത്തുന്നത് എളുപ്പമാക്കുന്നു. note റെക്കോര്ഡിംഗ്, വോയ്സ് കമാന്ഡുകള്, സ്മാര്ട്ട് അസിസ്റ്റന്റ് സഹായം തുടങ്ങിയ സവിശേഷതകളും കൂടുതല് പ്രചാരത്തിലായിക്കൊണ്ടിരിക്കുകയാണ്.
നിങ്ങള് ഒരിക്കലും ഉപയോഗിച്ചിട്ടില്ലാത്ത നിരവധി സവിശേഷിതകള് വയര്ലെസ് ഇയര്ബഡുകളില് ഉണ്ടായിരിക്കാം. ഇക്കാര്യത്തെക്കുറിച്ച് അറിയാമെങ്കില് നിങ്ങളുടെ ഇയര്ബഡുകള് പാട്ട് കേള്ക്കാന് മാത്രമല്ല ഒരു സ്മാര്ട്ട് ഗാഡ്ജെറ്റായും ഉപയോഗിക്കാം.
Content Highlights : Many earbuds have hidden features that no one knows about.
