LIVE TV
നിത്യജീവിതത്തില് ഏറ്റവും അത്യാവശ്യമുള്ള ഒന്നാണ് മൊബൈല് ഫോണ്. എന്തിനും ഏതിനും മൊബൈല് ഫോണുകളെ ആശ്രയിക്കുന്ന നമ്മള് ചില അപകട സാധ്യതകളെക്കുറിച്ച് അറിയാതെ പോകരുത്. ചില സ്ഥലങ്ങളില് മൊബൈല് ഫോണുകള് സൂക്ഷിക്കുന്നത് കേടുപാടുകള്ക്കും അപകടങ്ങള്ക്കും സാധ്യത വര്ധിപ്പിക്കുന്നു.
താപ ശ്രോതസുകള് എന്ന് പറയുമ്പോള് അടുക്കളയിലെ ഗ്യാസ് സ്റ്റൗനേയോ അല്ലെങ്കില് ഇന്ഡക്ഷന് കുക്ക്ടോപ്പിനെയോ മാത്രമല്ല ഉദ്ദേശിക്കുന്നത്. മറ്റ് പല ഉപകരണങ്ങളും ചൂട് ഉണ്ടാക്കുന്നുണ്ട്. കൂടാതെ ചാര്ജ് ചെയ്യുമ്പോള് ഫോണ് പുതപ്പിലോ തലയിണയിലോ വയ്ക്കുന്നത് ഒഴിവാക്കുക. ഇത് ഫോണ് അമിതമായി ചൂടാകാനിടയാകും. ഇങ്ങനെ സ്ഥിരമായി ചെയ്യുകയാണെങ്കില് ബാറ്ററി ഉള്പ്പടെ ഫോണിന്റെ മറ്റ് ഘടകങ്ങളെയും ബാധിച്ചേക്കാം. ചില സന്ദര്ഭങ്ങളില് തീപിടുത്തത്തിനുള്ള സാധ്യത പോലും ഉണ്ട്.
കാര് വെയിലത്ത് പാര്ക്ക് ചെയ്യുമ്പോള് കാറിനുള്ളിലെ താപനില ഗണ്യമായി വര്ദ്ധിക്കും. അതിനാല്, സൂര്യപ്രകാശം ഏല്ക്കുന്നയിടത്ത് പാര്ക്ക് ചെയ്യുന്ന കാറില് നിങ്ങളുടെ ഫോണ് വയ്ക്കുന്നത് ഒഴിവാക്കുക. ഉയര്ന്ന താപനില ഫോണിന്റെ ബാറ്ററി ഉള്പ്പടെയുള്ള ആന്തരിക ഭാഗങ്ങള്ക്ക് കേടുവരുത്തും. ഇത് നന്നാക്കിയെടുക്കാന് വളരെയധികം പണച്ചിലവും വന്നേക്കാം.
ഫോണ് ദീര്ഘനേരം പോക്കറ്റില് സൂക്ഷിക്കുന്നത് അപകടകരമാണ്. ഫോണുകള് റേഡിയോ ഫ്രീക്വന്സി തരംഗങ്ങള് പുറപ്പെടുവിക്കുന്നു. ഇത് നിരവധി ആരോഗ്യ പ്രശ്നങ്ങള്ക്ക് കാരണമാകും. അതിനാല്, സാധ്യമെങ്കില്, ഫോണ് ഒരു ബാഗിലോ സമാനമായ മറ്റ് എവിടെയെങ്കിലുമോ സൂക്ഷിച്ച് കൊണ്ടുപോകുക. മണിക്കൂറുകളോളം ഫോണ് പോക്കറ്റില് സൂക്ഷിക്കുന്നത് ഒഴിവാക്കുക.
വിമാനത്താവളത്തിലെ സെക്യൂരിറ്റി ബിന്നില് ഫോണ് വയ്ക്കാതിരിക്കാന് ശ്രദ്ധിക്കുക. സുരക്ഷാ പരിശോധനയിലൂടെ കടന്നുപോകുമ്പോള് പലരും തങ്ങളുടെ ഫോണുകള് മറ്റ് വസ്തുക്കള്ക്കൊപ്പം സെക്യൂരിറ്റി ബിന്നില് ഉപേക്ഷിക്കുന്നു. ഇത് നിങ്ങളെ തിടുക്കത്തില് ഫോണ് എടുക്കാന് മറന്നുപോകാന് ഇടയാക്കും. കൂടാതെ, മോഷണ സാധ്യതയുമുണ്ട്.
Content Highlights : Those of us who rely on mobile phones for everything should not be unaware of some potential dangers. Storing mobile phones in certain places increases the risk of damage and accidents.
