LIVE TV
തിരുവനന്തപുരം: മന്ത്രിമാര്ക്ക് വിവിധ ജില്ലകളുടെ ചുമതല നല്കികൊണ്ടുള്ള ഉത്തരവ് പുറത്തിറങ്ങി. ജില്ലകളുടെ വികസന പ്രവര്ത്തനങ്ങള്ക്കും ഏകോപനത്തിനുമായാണ് മന്ത്രിമാര്ക്ക് ജില്ലകളുടെ ചുമതലകള് നല്കിയത്.
സി പി ജോണിനാണ് തിരുവനന്തപുരം ജില്ലയുടെ ചുമതല. ഷിബു ബേബി ജോണിന് കൊല്ലം ജില്ലയുടെയും പി സി വിഷ്ണുനാഥിന് പത്തനംതിട്ട ജില്ലയുടെയും ചുമതല നല്കി. എം ലിജുവിനാണ് ആലപ്പുഴ ജില്ലയുടെ ചുമതല. കോട്ടയത്തിന്റെ ചുമതല മോന്സ് ജോസഫിനും ഇടുക്കിയുടെ ചുമതല അനൂപ് ജേക്കബിനും എറണാകുളത്തിന്റെ ചുമതല റോജി എം ജോണിനും നല്കി. ഒ ജെ ജനീഷിനാണ് തൃശ്ശൂരിന്റെ ചുമതല.
പാലക്കാട് ജില്ലയുടെ ചുമതല എന് ഷംസുദ്ദീനാണ്. മലപ്പുറത്തിന്റെ ചുമതല പി കെ ബഷീറിനും വയനാടിന്റെ ചുമതല ടി സിദ്ദിഖിനുമാണ്. മന്ത്രിയില്ലാത്ത കോഴിക്കോടിന്റെ ചുമതല എ പി അനില് കുമാറിനും കാസര്കോടിന്റെ ചുമതല കെ എ ഷാജിക്കും നല്കി. കണ്ണൂരിന്റെ ചുമതല സണ്ണി ജോസഫിനാണ്. ആഭ്യന്തര മന്ത്രി രമേശ് ചെന്നിലയ്ക്കും വ്യവസായ മന്ത്രി കുഞ്ഞാലിക്കുട്ടിക്കും ജില്ലകളുടെ ചുമതലയില്ല.
Content Highlights: The government has issued an order assigning ministers responsibility for various districts to improve administrative coordination and governance
