Get the latest news at
your fingertips!
Download our app now
LIVE TV
Search
പാലക്കാട്: മുന് ഡിസിസി പ്രസിഡന്റും എംഎല്എയുമായിരുന്ന എ വി ഗോപിനാഥിന് വന് തോല്വി. എല്ഡിഎഫ് പിന്തുണയോടെ മത്സരിച്ച എ വി ഗോപിനാഥ് 100 വോട്ടുകള്ക്ക് തോറ്റു. എ വി ഗോപിനാഥിന്റെ സ്വതന്ത്ര ജനാധിപത്യ മുന്നണി (ഐഡിഎഫ്) മത്സരിപ്പിച്ച ആറ് സ്ഥാനാര്ത്ഥികളും ദയനീയമായി പരാജയപ്പെട്ടു.
പെരുങ്ങോട്ടുകുറിശ്ശിയിലെ ഏഴാം വാര്ഡിലായിരുന്നു എ വി ഗോപിനാഥ് മത്സരിച്ചത്. 50 വര്ഷത്തെ കോണ്ഗ്രസ് ഭരണത്തിന് പെരുങ്ങോട്ടുകുറിശ്ശിയില് അവസാനം കുറിക്കുമെന്ന് പറഞ്ഞായിരുന്നു എ വി ഗോപിനാഥ് മത്സരിക്കാന് ഇറങ്ങിയത്. 2009 മുതല് തന്നെ കോണ്ഗ്രസ് നേതൃത്വവുമായി അകലം പാലിച്ചിരുന്നെങ്കിലും 2021ലെ നിയമസഭാ തെരഞ്ഞെടുപ്പില് സീറ്റ് നിഷേധിക്കപ്പെട്ടതോടെയാണ് കോണ്ഗ്രസില് നിന്നും എ വി ഗോപിനാഥ് ഒഴിഞ്ഞത്.
2023ല് നവകേരള സദസില് പങ്കെടുത്തതോടെ പാര്ട്ടിയില് നിന്നും ഔദ്യോഗികമായി പുറത്താകുകയായിരുന്നു. 25 വര്ഷക്കാലം പെരിങ്ങോട്ടുകുറിശ്ശി ഗ്രാമപഞ്ചായത്ത് പ്രസിഡന്റായി പ്രവര്ത്തിച്ചിട്ടുണ്ട്. 1991ല് ആലത്തൂര് നിയമസഭാ മണ്ഡലത്തില് 338 വോട്ടിന്റെ അട്ടിമി വിജയം നേടി. പാലക്കാട് ജില്ലയിലെ കോണ്ഗ്രസിന്റെ ഐ ഗ്രൂപ്പിന്റെ മുഖമായിരുന്നു എ വി ഗോപിനാഥ്.
Content Highlights: local body election result 2025 A V Gopinath failed 100 votes in Peringottukurissi Palakkad
