LIVE TV
ടി20 വനിതാ ക്രിക്കറ്റ് ലോകകപ്പിലെ ആദ്യമത്സരത്തില് പാകിസ്താനെതിരെ ഇന്ത്യക്ക് ടോസ്. ഇന്ത്യ ബാറ്റിങ് തിരഞ്ഞെടുത്തു. ഇതോടെ പാകിസ്താന് ആദ്യം ബൗള് ചെയ്യും. ബര്മിങ്ങാമിലാണ് മത്സരം. ഇന്ത്യക്കുവേണ്ടി സ്മൃതി മന്ദാന, ഷഫാലി വര്മ, ജെമിമ റോഡ്രിഗസ്, ഹര്മന്പ്രീത് കൗര്, ശ്രേയങ്ക പാട്ടീല് തുടങ്ങിയവര് കളിക്കും.
കന്നി ലോകകപ്പ് നേടാനുളള അവേശത്തിലാണ് ഇന്ത്യ ഇന്നിറങ്ങുന്നത്. ഇതുവരെ നേര്ക്കുനേര് ഏറ്റുമുട്ടിയ ഇരുവുരും 16 ടി-20 മത്സരങ്ങളില് നിന്ന് 13ലും ഇന്ത്യ പാകിസ്താനെ പരാജയപ്പെടുത്തിയിട്ടുണ്ട്. 2009, 2010, 2018, 2023 വര്ഷങ്ങളില് സെമിഫൈനല് വരെ എത്താന് ഇന്ത്യയ്ക്കായിട്ടുണ്ട്. കഴിഞ്ഞ ലോകകപ്പ് ഉള്പ്പടെ നാലുതവണയാണ് ഇന്ത്യന് ടീം ആദ്യ റൗണ്ടില് തന്നെ പുറത്താക്കപ്പെട്ടത്.
ഇക്കുറി ഇംഗ്ലണ്ടില് നടക്കുന്ന വനിതാ ടി20 ലോകകപ്പില് ഇന്ത്യന് ടീം ചാംപ്യന്മാരാകുമെന്നാണ് ആരാധകര് കണക്കാക്കുന്നത്. ഇന്ത്യയും ഇംഗ്ലണ്ടും തമ്മില് ഫൈനല് കളിക്കുമെന്ന് പ്രവചിക്കുന്നവര് വരെയുണ്ട്. അതേ സമയം ലോകകപ്പിലെ മറ്റൊരു മത്സരത്തില് ദക്ഷിണാഫ്രിക്കയെ തോല്പ്പിച്ച് ഓസ്ട്രേലിയ മുന്നേറി.
content highlights: Thrilling encounter between India and Pakistan in the Women's Cricket World Cup; India will bat first
