LIVE TV
സ്മാര്ട്ട്ഫോണുകള് ഉപയോഗിക്കാത്തവര് കുറവാണ്. എന്നാല് നിങ്ങളില് എത്രപേര് ചാര്ജ് ചെയ്തതിന് ശേഷം ചാര്ജര് അവിടെത്തന്നെ പ്ലഗ് ഇന് ചെയ്ത് വയ്ക്കാറുണ്ട്. അത് പ്ലഗില്നിന്ന് വേര്പെടുത്തി വയ്ക്കാനുള്ള മടികൊണ്ടാവാം അല്ലേ?. എന്നാല് ഈ ചെറിയ അശ്രദ്ധ ഗണ്യമായ വൈദ്യുതി നഷ്ടത്തിന് കാരണമാകുമെന്ന് നിങ്ങള്ക്ക് അറിയാമോ?.
ഇങ്ങനെ ചെയ്യുമ്പോള് ഫോണ് ചാര്ജ് ചെയ്താലും ഇല്ലെങ്കിലും, വൈദ്യുതി ഉപഭോഗം തുടര്ന്നുകൊണ്ടേയിരിക്കും. ഒരു ചാര്ജര് ഒരു വര്ഷം മുഴുവന് പ്ലഗ് ഇന് ചെയ്തുവച്ചാല് ഏകദേശം 150 രൂപയുടെ വൈദ്യുതി നഷ്ടമായേക്കാം. ഈ ചെലവ് ക്രമേണ വര്ദ്ധിക്കുകയും വരുമാനത്തില് കാര്യമായ സ്വാധീനം ചെലുത്തുകയും ചെയ്യും.
ആവശ്യമില്ലാതെ ചാര്ജര് പ്ലഗ് ഇന് ചെയ്തിരിക്കുമ്പോള്, അത് വളരെ ചെറിയ അളവില് മാത്രമേ വൈദ്യുതി ഉപയോഗിക്കുന്നുള്ളൂ. ഇതിനെ വാമ്പയര് പവര് അല്ലെങ്കില് ഫാന്ഡം ലോഡ് എന്ന് വിളിക്കുന്നു. ഈ ഉപഭോഗം നിസ്സാരമാണെന്ന് തോന്നുമെങ്കിലും, പലരും ഇത്തരത്തില് ചെയ്യുമ്പോള് വൈദ്യുതി നഷ്ടം ഗണ്യമായി വര്ദ്ധിക്കുന്നു.
ഇന്ത്യയിലെ ദശലക്ഷക്കണക്കിന് ആളുകള് സ്മാര്ട്ട്ഫോണുകള് ഉപയോഗിക്കുന്നു. അവരില് പലര്ക്കും ഈ ശീലം ഉണ്ടെങ്കില്, അത് ഗണ്യമായ ഊര്ജ്ജ നഷ്ടത്തിലേക്ക് നയിച്ചേക്കാം. ഇത് പ്രതിവര്ഷം ആയിരക്കണക്കിന് കോടി രൂപയുടെ ഊര്ജ്ജം പാഴാക്കുന്നുവെന്ന് വിദഗ്ദ്ധര് പറയുന്നു. ഇത് സാമ്പത്തിക സ്ഥിതിയെ മാത്രമല്ല, വൈദ്യുതി ഉത്പാദനത്തിനും പരിസ്ഥിതിക്കും അപകടകരമാണ്.
Content Highlights :Leaving the charger plugged in after charging causes standby power loss.
