Top

യുവാവ് സുരക്ഷിതൻ: ആശയവിനിമയം നടത്തി

8 Feb 2022 9:30 PM GMT
റിപ്പോർട്ടർ നെറ്റ്‌വർക്ക്

യുവാവ് സുരക്ഷിതൻ: ആശയവിനിമയം നടത്തി
X

മലമ്പുഴ ചെറാട് മലയില്‍ കുടുങ്ങിയ യുവാവിനെ രക്ഷപ്പെടുത്താനുള്ള ശ്രമങ്ങള്‍ രാത്രിയും തുടരുന്നു. യുവാവ് സുരക്ഷിതൻ ആണെന്ന് ആർമി അറിയിച്ചു. മലയിലേക്ക് കയറിയ കരസേന സംഘത്തിന് യുവാവുമായി ആശയവിനിമയം നടത്താൻ കഴിഞ്ഞു. വരും സമയങ്ങളിൽ കൂടുതൽ ആശ്വാസമായ വിവരങ്ങൾ വരുമെന്ന് കരുതുന്നു എന്ന് എ. പ്രഭാകരൻ എംഎൽഎ പറഞ്ഞു.

മലമ്പുഴയിലെത്തിയ സൈനികരാണ് രക്ഷാ പ്രവര്‍ത്തനം ഏകോപിപ്പിക്കുന്നത്.

കോസ്റ്റ് ഗാർഡ് ഹെലികോപ്റ്റര്‍ ഉപയോഗിച്ച് ചൊവ്വാഴ്ച ഉച്ചയോടെ നടത്തിയ രക്ഷാദൗത്യം പരാജയപ്പെട്ടിരുന്നു. ശക്തമായ കാറ്റിനെ തുടര്‍ന്നാണ് ദൗത്യം പരാജയപ്പെട്ടത്. തുടര്‍ന്ന് നാവികസേനയുടെ സീ കിംഗ് ഹെലികോപ്റ്റര്‍ എത്തിച്ച് രക്ഷാപ്രവര്‍ത്തനം നടത്തി. കോഴിക്കോട് നിന്ന് പര്‍വ്വതാരോഹരെയും സ്ഥലത്തെത്തിയിട്ടുണ്ട്. യുവാവിന് ആവശ്യമായ വെള്ളവും ഭക്ഷണവും ഡ്രോണ്‍ വഴി എത്തിക്കാനുള്ള ശ്രമവും നടത്തിയിരുന്നു.

കഴിഞ്ഞദിവസമാണ് മലമ്പുഴ ചെറാട് സ്വദേശി ആര്‍. ബാബുവാണ് കാല്‍ വഴുതി വീണ് മലയിടുക്കില്‍ കുടുങ്ങിയത്. തിങ്കള്‍ രാവിലെയാണ് ബാബു പ്രദേശവാസികളായ രണ്ടു പേര്‍ക്കൊപ്പം മലയിലേക്ക് ട്രക്കിംഗ് നടത്തിയത്. പാതി വഴിയില്‍ മറ്റു രണ്ടു പേര്‍ മടങ്ങിയെങ്കിലും ബാബു വീണ്ടും മല കയറുകയായിരുന്നു. പിന്നീട് ബാബുവിനെ കാണാതായതിനെ തുടര്‍ന്ന് നടത്തിയ അന്വേഷണത്തിലാണ് പാറകള്‍ക്കിടയില്‍ കുടുങ്ങിയ നിലയില്‍ കണ്ടെത്തിയത്.

Next Story