LIVE TV
മധുബാല, ഇന്ദ്രന്സ് എന്നിവരെ കേന്ദ്ര കഥാപാത്രങ്ങളാക്കി വര്ഷാ വാസുദേവ് ഒരുക്കുന്ന 'ചിന്ന ചിന്ന ആസൈ' റിലീസിന് ഒരുങ്ങുന്നു. ദുല്ഖര് സല്മാന്റെ വേഫെറര് ഫിലിംസ് ആണ് ചിത്രം കേരളത്തിലെ തീയേറ്ററുകളില് എത്തിക്കുന്നത്. ബാബുജി പ്രൊഡക്ഷന്സിന്റെ ബാനറില് അഭിജിത് ബാബുജിയാണ് ചിത്രം നിര്മ്മിക്കുന്നത്. ചിത്രത്തിലെ ഗാനം പുറത്തുവന്നു. ഒരു റൊമാന്റിക് മൂഡിൽ പുറത്തുവന്ന ഗാനത്തിൽ ഇന്ദ്രൻസും മധുബാലയുമാണ് പ്രത്യക്ഷപ്പെടുന്നത്.
ഇന്ദ്രൻസിന്റെ വേറിട്ട ഒരു കഥാപാത്രമാകും ഈ സിനിമയിലേത് എന്ന സൂചനയും ഗാനം നൽകുന്നുണ്ട്. ഗോവിന്ദ് വസന്ത ഈണം നൽകിയ ഗാനത്തിനായി വരികൾ എഴുതിയിരിക്കുന്നത് അൻവർ അലി ആണ്. അഭിജിത് അനിൽകുമാർ ആണ് ഗാനം ആലപിച്ചിരിക്കുന്നത്. പ്രേക്ഷക ശ്രദ്ധ നേടിയ ഹ്രസ്വചിത്രം 'എന്റെ നാരായണിക്ക്' ശേഷം വര്ഷാ വാസുദേവ്ഒരുക്കുന്ന ഈ ചിത്രത്തിലൂടെ ഒരിടവേളയ്ക്ക് ശേഷം ശക്തമായ കേന്ദ്ര കഥാപാത്രവുമായി മധുബാല മലയാളത്തില് എത്തുകയാണ്. മധുബാലക്കൊപ്പം, വേറിട്ട അഭിനയ മുഹൂര്ത്തങ്ങളിലൂടെ ഇന്ദ്രന്സും പ്രേക്ഷകരുടെ മനസ്സില് ഇടം നേടും എന്നാണ് അണിയറപ്രവര്ത്തകരുടെ പ്രതീക്ഷ. സംവിധായിക വര്ഷ വാസുദേവ് തന്നെയാണ് ചിത്രത്തിന്റെ രചനയും നിര്വഹിച്ചത്. ഗോവിന്ദ് വസന്ത ഒരുക്കിയ ഹൃദയ സ്പര്ശിയായ സംഗീതത്തിന്റെ പശ്ചാത്തലത്തോടെ ആണ് ചിത്രം ഒരുങ്ങുന്നത്.
നേരത്തേ പുറത്ത് വന്ന, ചിത്രത്തിന്റെ ഫസ്റ്റ് ലുക്ക്, സെക്കന്ഡ് ലുക്ക് പോസ്റ്ററുകള് മികച്ച പ്രേക്ഷക ശ്രദ്ധ നേടിയിരുന്നു. പൂര്ണ്ണമായും വാരണാസിയില് ചിത്രീകരണം പൂര്ത്തിയായ ചിത്രം, അധികം വൈകാതെ തന്നെ തിയേറ്ററുകളിലെത്തും. ചിത്രം ജൂണിൽ തിയേറ്ററിലെത്തും. ഛായാഗ്രഹണം : ഫയിസ് സിദ്ധിക്ക്, സംഗീതം: ഗോവിന്ദ് വസന്ത, എഡിറ്റര് : റെക്ക്സണ് ജോസഫ്, പ്രൊഡക്ഷന് കണ്ട്രോളര് : പ്രശാന്ത് നാരായണ്, ആര്ട്ട് ഡയറക്റ്റര് : സാബു മോഹന്, വസ്ത്രാലങ്കാരം : സമീറാ സനീഷ്, മേക്കപ്പ് : രഞ്ജിത്ത് അമ്പാടി, സൗണ്ട് ഡിസൈനര് : രംഗനാഥ് രവി, സൗണ്ട് മിക്സിംഗ്: പി സി വിഷ്ണു, കൊറിയോഗ്രാഫര് : ബ്രിന്ദാ, ചീഫ് അസ്സോസിയേറ്റ് ഡയറക്ടര് : നവനീത് കൃഷ്ണ, ലൈന് പ്രൊഡ്യൂസര് : ബിജു പി കോശി, ഡി ഐ : ചലച്ചിത്രം ഫിലിം സ്റ്റുഡിയോ, വി എഫ് എക്സ് : പിക്റ്റോറിയല്എഫ് എക്സ്,
കളറിസ്റ്റ്: ഷണ്മുഖ പാണ്ട്യന്, ടൈറ്റില് ഡിസൈന് : ജെറി, പബ്ലിസിറ്റി ഡിസൈന്സ് : ഇല്ലുമിനാര്റ്റിസ്റ്റ്, ട്രൈലെര് കട്ട്സ് : മഹേഷ് ഭുവനേന്ദ്, ലിറിസിസ്റ്റ്സ്: അന്വര് അലി , ഉമ ദേവി, വരുണ് ഗ്രോവര് , ഗജ്നന് മിത്കേ, സിംഗേഴ്സ് : ചിന്മയി ശ്രീപദ, കപില് കപിലന് , ശ്രുതി ശിവദാസ്, ശിഖ ജോഷി, ഗോവിന്ദ് വസന്ത, അഭിജിത് അനില്കുമാര്, സ്റ്റില്സ്: നവീന് മുരളി, പിആര്ഓ : ശബരി, ഡിജിറ്റല് മാര്ക്കറ്റിങ് : അനൂപ് സുന്ദരന്.
Content Highlights: The latest song from Chinna Chinna Aasai has captured attention with Indrans portraying a charming romantic hero. Enhanced by Govind Vasantha’s soulful music, the track is receiving warm reactions from Malayalam cinema audiences.
