LIVE TV
തിയേറ്ററിൽ നിന്ന് മികച്ച വിജയം നേടിയ ചിത്രമായിരുന്നു ഗിരീഷ് എ ഡി സംവിധാനത്തിൽ നസ്ലെൻ നായകനായി എത്തിയ പ്രേമലു. ചിത്രം ബോക്സ് ഓഫീസിൽ വമ്പൻ വിജയമാണ് കൊയ്തത്. മികച്ച പ്രതികരണം നേടിയ സിനിമ 100 കോടിക്കും മുകളിൽ നേടിയിരുന്നു. സിനിമയുടെ വലിയ വിജയത്തെത്തുടർന്ന് സിനിമ മറ്റു ഭാഷകളിലേക്ക് റീമേക്ക് തീരുമാനിച്ചിരുന്നു. സിനിമയുടെ തെലുങ്ക് വേർഷനും മികച്ച വിജയമായിരുന്നു നേടിയത്. ഇപ്പോഴിതാ പ്രേമലു ഹിന്ദി റീമേക്കിൻ്റെ ഔദ്യോഗിക പ്രഖ്യാപനത്തിന് മുന്നെ എയറിലായിരിക്കുകയാണ് സിനിമയും അണിയറ പ്രവർത്തകരും.
ഡിഗ്രി കഴിഞ്ഞ് നിൽക്കുന്ന യുവാവ് ആയി ഹിന്ദിയിൽ അഭിനയിക്കാൻ എത്തുന്നത് യുവനടന് വീര് പഹാരിയയാണ്. ഇദ്ദേഹത്തിന്റെ പ്രായമാണ് ഏവരെയും ചൊടിപ്പിച്ചിരിക്കുന്നത്. ഡിഗ്രി ജസ്റ്റ് പാസ്സായ പയ്യനായി 32 വയസുള്ള വീറിനെ അംഗീകരിക്കാൻ കഴിയില്ലെന്നാണ് സോഷ്യൽ മീഡിയയിൽ ഉയരുന്ന വിമർശനങ്ങൾ. അമൽ ഡേവിസായി വരുൺ ധവാനെ കാസ്റ്റ് ചെയ്യൂ എന്ന പരിഹാസ രൂപേണയുള്ള കമന്റ് ഇടുന്നവരും ഏറെയുണ്ട്.
ബോളിവുഡിലെ മുന്നിര പ്രൊഡക്ഷന് ഹൗസായ നദിയദ്വാലാ ഗ്രാന്ഡ്സണ്സ് എന്റര്ടൈന്മെന്റ്സാണ് ഹിന്ദി പതിപ്പിന്റെ നിര്മാതാക്കള്. മാര്ച്ച് ആദ്യവാരം ചിത്രത്തിന്റെ ഷൂട്ട് ആരംഭിച്ചേക്കുമെന്നും റിപ്പോര്ട്ടില് പറയുന്നുണ്ട്. പുതുമുഖം ആഫിയ സൈദാണ് ചിത്രത്തിലെ നായിക. നിര്മാതാവ് സജിദ് നദിയദ്വാലയുടെ അനന്തരവളാണ് ആഫിയ. ചിത്രത്തിന്റെ ഹിന്ദി റീമേക്ക് വാര്ത്ത പലരിലും അസ്വസ്ഥതയുണ്ടാക്കുകയാണ്.
Superstar Veer Pahariya’s next after his blockbuster debut with Sky Force is already making noise 🔥💥
— Akhil Kumar (@filmy_akhil) February 24, 2026
Reports suggest he’s set to headline the official Hindi remake of the Malayalam hit Premalu — a complete genre shift from war drama to romantic entertainer.#Premalu… pic.twitter.com/q7uvO1jyoa
ഹൈദരാബാദിന്റെ പശ്ചാത്തലത്തിൽ ഒരുങ്ങിയ പ്രേമലു വലിയ വിജയമാണ് കേരളത്തിൽ നേടിയത്. ഗിരീഷ് എ ഡിയും കിരൺ ജോസിയും ചേർന്നാണ് ചിത്രത്തിന്റെ തിരക്കഥ ഒരുക്കിയിരുന്നത്. വിഷ്ണു വിജയ് സംഗീത സംവിധാനം നിർവഹിച്ച ചിത്രം ഭാവന സ്റ്റുഡിയോസാണ് നിർമ്മിച്ചത്. സിനിമയ്ക്ക് രണ്ടാം ഭാഗം പ്രഖ്യാപിച്ചിരുന്നുവെങ്കിലും സിനിമ ഉപേക്ഷിച്ചുവെന്ന റിപ്പോർട്ടുകളാണ് എത്തുന്നത്.
Content Highlights: 32-year-old actor Veer Pahariya is reportedly set to headline the Hindi remake of Premalu. The original Malayalam romantic comedy was directed by Girish A. D. and became a major box office success. The announcement has triggered mixed reactions on social media, with some users trolling the actor over the casting choice.
