Get the latest news at
your fingertips!
Download our app now
LIVE TV
Search
മോഹൻലാലിൻ്റെ ഏറ്റവും പുതിയ ചിത്രം 'വൃഷഭ'യുടെ ടീസർ പുറത്തിറങ്ങി. ഒട്ടും പ്രതീക്ഷിക്കാതെ ലഭിച്ച ഒരു സമ്മാനം പോലെയാണ് ആരാധകർ ടീസർ കണ്ടത്. മികച്ച ആക്ഷൻ രംഗങ്ങളും മ്യൂസിക്കും വിഷ്വലും കൊണ്ട് ഒരു കിടിലൻ ടീസറാണ് വൃഷഭ ടീം പുറത്തുവിട്ടിരിക്കുന്നത്. ആരാധകരും സിനിമ പ്രേമികളും ഏറെ കാത്തിരുന്ന ചിത്രമായിരുന്നു വൃഷഭ. ഇപ്പോൾ പുറത്തിറങ്ങിയ ടീസറിന് മികച്ച സ്വീകാര്യതയാണ് പ്രേക്ഷകർ നൽകുന്നത്.
'പ്രതീക്ഷയില്ലാതെ കണ്ടു…ഇത് തീ ഐറ്റം, വിചാരിച്ച പോലെ അല്ലല്ലോ കൊള്ളാം, ഒട്ടും പ്രതീക്ഷ ഇല്ലാതെ കണ്ടു ഞെട്ടിച്ചു, പൊളി…കാത്തിരുന്നത് വെറുതെ ആയില്ല, കളിയാക്കാൻ കാത്തിരുന്നവർക്ക് മറുപടി കൊടുത്തു', എന്നിങ്ങനെ നിരവധി ക്യാമറ്റുകാൽനു ടീസറിന് താഴെ വരുന്നത്. ഒരു യോദ്ധാവിന്റെ രൂപത്തിലുള്ള മോഹൻലാലിൻ്റെ ഗംഭീര ലുക്കാണ് ടീസറിന്റെ പ്രധാന ആകർഷണം. നീണ്ട മുടിയും കയ്യിൽ വാളുമേന്തി നിൽക്കുന്ന ലാലേട്ടൻ ആരാധകരെ ആവേശത്തിലാഴ്ത്തിയിരിക്കുകയാണ്.
സംവിധായകൻ നന്ദകിഷോർ ഒരുക്കുന്ന ഈ ബ്രഹ്മാണ്ഡ പാൻ ഇന്ത്യൻ ഇതിഹാസ ചിത്രം മലയാളം-തെലുങ്ക് ദ്വിഭാഷയായിട്ടാണ് ഒരുങ്ങുന്നത്. കൂടാതെ തമിഴ്, കന്നഡ, ഹിന്ദി ഭാഷകളിലേക്കും ചിത്രം മൊഴിമാറ്റിയെത്തും. ഏകദേശം 200 കോടി രൂപ ബജറ്റിൽ നിർമ്മിക്കുന്ന ഈ ചിത്രം ആക്ഷനും, പുരാണവും, വികാരങ്ങളും സമന്വയിപ്പിച്ച ഒരു ദൃശ്യവിരുന്നായിരിക്കും പ്രേക്ഷകർക്ക് സമ്മാനിക്കുക എന്നാണ് അണിയറപ്രവർത്തകർ നൽകുന്ന സൂചന. നന്ദകിഷോർ തന്നെയാണ് ചിത്രത്തിന് തിരക്കഥ ഒരുക്കിയിരിക്കുന്നത്.
ഒക്ടോബർ 16ന് ചിത്രം തിയേറ്ററുകളിൽ എത്തുമെന്നാണ് പ്രതീക്ഷിക്കുന്നത്. മോഹൻലാലിന്റെ കരിയറിലെ ഏറ്റവും വലിയ സിനിമകളിലൊന്നായി 'വൃഷഭ' മാറുമെന്നാണ് ആരാധകരുടെ പ്രതീക്ഷ. ഒരു ഇതിഹാസ കഥാപാത്രമായി മോഹൻലാൽ സ്ക്രീനിലെത്തുമ്പോൾ അതുണ്ടാക്കുന്ന ആവേശം ചെറുതല്ല. അതുകൊണ്ടുതന്നെ, മലയാള സിനിമലോകം മാത്രമല്ല, ഇന്ത്യൻ സിനിമലോകം മുഴുവൻ ഈ ചിത്രത്തിനായി ആകാംഷയോടെ കാത്തിരിക്കുകയാണ്. ശോഭ കപൂർ, എക്താ ആർ കപൂർ, സികെ പത്മകുമാർ, വരുൺ മാത്തൂർ, സൗരഭ് മിശ്ര, അഭിഷേക് വ്യാസ്, വിശാൽ ഗുർനാനി, ജൂഹി പരേഖ് മേത്ത എന്നിവർ ചേർന്നാണ് ചിത്രം നിർമിച്ചിരിക്കുന്നത്. ചിത്രത്തില്‍ ഇമോഷന്‍സിനും വിഎഫ്എക്സിനും ഒരുപോലെ പ്രാധാന്യം ഉണ്ടാകും.
Content Highlights: Mohanlal Starrer Vrusshabha teaser is out
