LIVE TV
ഓഹരി ഉടമകൾക്കായി ലാഭവിഹിതം പ്രഖ്യാപിച്ച് സ്വരാജ് എഞ്ചിൻസ് ലിമിറ്റഡ്. 2026 സാമ്പത്തിക വർഷത്തിന്റെ അവസാന പാദത്തിൽ കമ്പനിയുടെ ലാഭത്തിൽ 20 ശതമാനത്തിലധികം വർദ്ധനവാണ് ഉണ്ടായിരിക്കുന്നത്. ഇതിനെത്തുടർന്ന് ഓരോ ഓഹരിക്കും 110 രൂപ വീതം ലാഭവിഹിതം നൽകാനാണ് കമ്പനിയുടെ തീരുമാനം. രണ്ടു രൂപയോ, 5 രൂപയോ 10 രൂപയോ ലാഭ വിഹിതമാണ് ഭൂരിഭാഗം കമ്പനികളും നൽകുന്നത്. അതയത് 110 രൂപ ലാഭ വിഹിതം നൽകുന്ന കമ്പനികൾ ഇന്ത്യയിൽ വളരെ ചുരുക്കമാണ്.
തീയതി
ലാഭവിഹിതം ലഭിക്കാൻ അർഹരായവരെ കണ്ടെത്തുന്നത് 2026 ജൂലൈ 3-ലെ കണക്കുകൾ പ്രകാരമായിരിക്കും. അംഗീകാരം ലഭിച്ചാൽ 2026 ജൂലൈ 20-ന് ശേഷം തുക ഓഹരി ഉടമകൾക്ക് വിതരണം ചെയ്യും.വാർഷിക പൊതുയോഗത്തിൽ ഓഹരി ഉടമകൾ ഈ തീരുമാനത്തിന് അംഗീകാരം നൽകേണ്ടതുണ്ട്. കമ്പനിയുടെ ലാഭത്തിലുണ്ടായ വലിയ മുന്നേറ്റമാണ് നിക്ഷേപകർക്ക് ഇത്രയും ഉയർന്ന തുക പ്രതിഫലമായി നൽകാൻ കമ്പനിയെ സഹായിച്ചത്.
ലാഭം ഉയർന്നു
ഈ വർഷം കമ്പനിയുടെ ലാഭം 54.6 കോടി രൂപയായി ഉയർന്നു. കഴിഞ്ഞ വർഷം ഇതേ സമയത്ത് ഇത് 45.4 കോടി രൂപയായിരുന്നു. കമ്പനിയുടെ ആകെ വരുമാനത്തിൽ 20.2% വർദ്ധനവാണുണ്ടായിരിക്കുന്നത്. കഴിഞ്ഞ വർഷത്തെ 454 കോടിയിൽ നിന്ന് ഇത്തവണ വരുമാനം 546 കോടി രൂപയിലെത്തി. കഴിഞ്ഞ വർഷത്തെ അപേക്ഷിച്ച് വരുമാനത്തിലും ലാഭത്തിലും ഏകദേശം 20 ശതമാനത്തിലധികം വളർച്ച നേടാൻ സ്വരാജ് എഞ്ചിൻസിന് സാധിച്ചു. അതാണ് ലാഭ വിഹിതത്തിലും പ്രതിഫലിച്ചത്.
Content Highlights: Swaraj Engines Ltd reports a strong Q4 with 20% profit growth. The company has announced a bumper dividend of ₹110 per share. Check record date and payment details.
