LIVE TV
സംസ്ഥാനത്ത് സ്വർണവിലയിൽ വീണ്ടും വർധനവ് രേഖപ്പെടുത്തി. നവംബർ മാസത്തെ ഏറ്റവും ഉയർന്ന നിരക്കിലാണ് ഇന്ന് വ്യാപാരം പുരോഗമിക്കുന്നത്. ഒരു ഗ്രാം 22 കാരറ്റ് സ്വർണത്തിന് ഇന്ന് 25 രൂപ വർധിച്ച് 12,825 രൂപയായി. ഇതോടെ ഒരു പവൻ സ്വർണത്തിന്റെ വില 200 രൂപ ഉയർന്ന് 1,02,600 രൂപ എന്ന നിരക്കിലെത്തി. നവംബർ ഒന്നിന് ഈ മാസത്തെ ഏറ്റവും കുറഞ്ഞ നിരക്കായ 12,730 രൂപയിലായിരുന്നു ഒരു ഗ്രാം സ്വർണത്തിന്റെ വ്യാപാരം. എന്നാൽ തുടർന്നുള്ള ദിവസങ്ങളിൽ വില തുടർച്ചയായി ഉയരുകയായിരുന്നു.
രാജ്യാന്തര വിപണിയിലെ ചലനങ്ങളും ഡോളറിന്റെ മൂല്യത്തിലുണ്ടാകുന്ന വ്യതിയാനങ്ങളുമാണ് ആഭ്യന്തര വിപണിയിലും സ്വർണവില ഉയരാൻ പ്രധാന കാരണം. വിവാഹ സീസൺ അടുത്തുവരുന്ന പശ്ചാത്തലത്തിൽ വിലയിലുണ്ടാകുന്ന ഈ വർധനവ് സാധാരണക്കാരായ ഉപഭോക്താക്കൾക്ക് വലിയ ആശങ്കയാണ് സൃഷ്ടിക്കുന്നത്. വരും ദിവസങ്ങളിലും സ്വർണവില മുകളിലേക്ക് തന്നെ പോകുമെന്നാണ് വിപണി വിദഗ്ധരുടെ വിലയിരുത്തൽ.
സ്വർണത്തോടൊപ്പം തന്നെ വെള്ളി വിലയിലും നേരിയ മാറ്റങ്ങൾ ദൃശ്യമാകുന്നുണ്ട്. നിലവിൽ ഒരു ഗ്രാം വെള്ളിക്ക് 100 രൂപയ്ക്ക് മുകളിലാണ് വില നിലവാരം തുടരുന്നത്. വരും ദിവസങ്ങളിൽ സ്വർണവിലയിൽ ഉണ്ടാകുന്ന മാറ്റങ്ങൾക്ക് അനുസൃതമായി വെള്ളി വിലയിലും ഏറ്റക്കുറച്ചിലുകൾ ഉണ്ടായേക്കാം. നിക്ഷേപകർ സുരക്ഷിത നിക്ഷേപമെന്ന നിലയിൽ സ്വർണത്തിലേക്കും വെള്ളിയിലേക്കും കൂടുതൽ തിരിയുന്നതും വിലക്കയറ്റത്തിന് ആക്കം കൂട്ടുന്നു.
Content Highlights: Kerala gold prices climbed to their highest level in November.The price of 22-carat gold increased by ₹25 per gram to ₹12,825.One sovereign rose by ₹200 to ₹1,02,600.
