LIVE TV
രാജ്യത്തെ സെമികണ്ടക്ടർ വ്യവസായത്തിന് പുതിയ കരുത്ത് നൽകുന്ന ഇന്ത്യ സെമികണ്ടക്ടർ മിഷൻ 2.0ന് (ISM 2.0) കേന്ദ്ര മന്ത്രിസഭ അംഗീകാരം നൽകി. ഏകദേശം 1.27 ലക്ഷം കോടി രൂപയുടെ വൻ നിക്ഷേപ പദ്ധതിയിലൂടെ ഇന്ത്യയിൽ സമ്പൂർണ ചിപ്പ് ഇക്കോസിസ്റ്റം വികസിപ്പിക്കുകയാണ് ലക്ഷ്യം.
ആദ്യ ഘട്ടത്തിൽ പ്രധാനമായും സെമികണ്ടക്ടർ ഫാബ്രിക്കേഷൻ യൂണിറ്റുകൾ സ്ഥാപിക്കുന്നതിലായിരുന്നു ശ്രദ്ധ. എന്നാൽ ISM 2.0യിൽ ചിപ്പ് നിർമ്മാണത്തിന് ആവശ്യമായ ഉപകരണങ്ങൾ, പ്രത്യേക രാസവസ്തുക്കൾ, അസംസ്കൃത വസ്തുക്കൾ, അഡ്വാൻസ്ഡ് പാക്കേജിംഗ് സാങ്കേതികവിദ്യകൾ, ഡിസൈൻ ശേഷി തുടങ്ങിയ മേഖലകളിലേക്കാണ് ശ്രദ്ധ വ്യാപിപ്പിക്കുന്നത്.
ഇലക്ട്രോണിക് ഉപകരണങ്ങൾ മുതൽ വാഹനങ്ങൾ, ടെലികോം, പ്രതിരോധം, ആർട്ടിഫിഷ്യൽ ഇന്റലിജൻസ് തുടങ്ങിയ നിർണായക മേഖലകളുടെ അടിത്തറയാണ് സെമികണ്ടക്ടർ ചിപ്പുകൾ. നിലവിൽ ചിപ്പ് ആവശ്യകതയുടെ വലിയൊരു ഭാഗം ഇറക്കുമതിയിലൂടെ നിറവേറ്റുന്ന ഇന്ത്യ, ആഭ്യന്തര ഉൽപ്പാദന ശേഷി വർധിപ്പിച്ച് ആഗോള വിതരണ ശൃംഖലയിൽ ശക്തമായ സ്ഥാനം നേടാനാണ് ലക്ഷ്യമിടുന്നത്.
ISM 2.0യുടെ ഭാഗമായി ഇന്ത്യയിൽ സെമികണ്ടക്ടർ ഉപകരണ നിർമ്മാണം, ചിപ്പ് ഡിസൈൻ, ഗവേഷണ-വികസന പ്രവർത്തനങ്ങൾ, നൈപുണ്യ വികസനം എന്നിവയ്ക്ക് പ്രോത്സാഹനം ലഭിക്കും. രാജ്യത്തിനുള്ളിൽ തന്നെ പൂർണമായ ചിപ്പ് നിർമ്മാണ ശൃംഖല സൃഷ്ടിക്കുകയാണ് പദ്ധതിയുടെ പ്രധാന ലക്ഷ്യം.
കേന്ദ്ര ഇലക്ട്രോണിക്സ്-ഐടി മന്ത്രാലയം പറയുന്നതനുസരിച്ച്, ഇനി പ്രധാന പരിഗണന നൽകുന്നത് ചിപ്പ് ഡിസൈൻ സ്റ്റാർട്ടപ്പുകൾക്കും ഉൽപ്പന്ന വികസനത്തിനും, ഉപകരണങ്ങളും വസ്തുക്കളും ഉൾപ്പെടുന്ന സമഗ്രമായ വിതരണ ശൃംഖല സൃഷ്ടിക്കുന്നതിനും, ഈ മേഖലയ്ക്കാവശ്യമായ വിദഗ്ധ മനുഷ്യവിഭവശേഷി വളർത്തുന്നതിനുമാണ്.
സെമികണ്ടക്ടർ മേഖലയുടെ വളർച്ചയോടെ ഒട്ടനവധി കമ്പനികൾ നേട്ടമുണ്ടാക്കാൻ സാധ്യതയുണ്ട്. മുന്നേറ്റം പ്രതീക്ഷിക്കുന്ന കമ്പനികൾ,
ആഗോളതലത്തിൽ ചിപ്പ് ക്ഷാമവും വിതരണ ശൃംഖലാ വെല്ലുവിളികളും വർധിച്ച സാഹചര്യത്തിലാണ് ഇന്ത്യ ഈ മേഖലയിൽ വലിയ നിക്ഷേപവുമായി മുന്നോട്ട് പോകുന്നത്. അമേരിക്ക, യൂറോപ്പ്, ജപ്പാൻ തുടങ്ങിയ രാജ്യങ്ങളിലെ കമ്പനികൾക്കും ഇന്ത്യയിലെ സെമികണ്ടക്ടർ മേഖലയിൽ കൂടുതൽ അവസരങ്ങൾ തുറക്കുമെന്നാണ് പ്രതീക്ഷ.
ഇന്ത്യയുടെ സെമികണ്ടക്ടർ വിപണി ഈ ദശകത്തിന്റെ അവസാനം വൻ വളർച്ച കൈവരിക്കുമെന്നാണ് സർക്കാർ പ്രതീക്ഷിക്കുന്നത്. ISM 2.0 വിജയകരമായി നടപ്പാകുകയാണെങ്കിൽ, ഇന്ത്യ ചിപ്പ് ഉപഭോക്താവിൽ നിന്ന് ചിപ്പ് നിർമ്മാതാവിലേക്കുള്ള വലിയ മാറ്റത്തിലേക്ക് നീങ്ങും.
Content Highlights: Cabinet approves Semiconductor Mission 2.0 with Rs 1.27 lakh crore outlay
