Top

"ചാനൽ അവരുടെ സ്വകാര്യതയെ മാനിക്കണമായിരുന്നു"; വാമികയുടെ മുഖം പതിഞ്ഞ ചിത്രം വൈറലാവുന്നു

മകളുടെ സ്വകാര്യതയുടെ ഭാഗമായി വിരാടും അനുഷ്‌കയും വാമികയുടെ മുഖം പരസ്യമായി ഒരിടത്തും വെളിപ്പെടുത്തിയിരുന്നില്ല

24 Jan 2022 6:34 AM GMT
ഫിൽമി റിപ്പോർട്ടർ

ചാനൽ അവരുടെ സ്വകാര്യതയെ മാനിക്കണമായിരുന്നു; വാമികയുടെ മുഖം പതിഞ്ഞ ചിത്രം വൈറലാവുന്നു
X

വിരാട് കോഹ്‌ലി-അനുഷ്‌ക ശർമ്മ ദമ്പതികളുടെ മകൾ വാമികയുടെ ഫോട്ടോകൾ വൈറലാകുന്നു. ദക്ഷിണാഫ്രിക്കയിലെ കേപ്ടൗണിൽ നടന്ന ക്രിക്കറ്റ് മത്സരത്തിനിടെ വാമികയെ ടിവി സ്‌ക്രീനിലൂടെ കാണിച്ചതിൽ ആരാധകർ പോലും എതിർപ്പിലാണ്. ഇന്ത്യൻ ക്രിക്കറ്റ് ടീം മൂന്നാം ഏകദിനം കളിക്കുമ്പോൾ, അനുഷ്ക ശർമ്മയെയും വാമികയെയും കാണിക്കുന്ന രീതിയിലേക്ക് ക്യാമറ ചലിച്ചിരുന്നു. അങ്ങനെയാണ് വാമികയുടെ മുഖം സ്‌ക്രീനിൽ പതിയുന്നത്.

മകളുടെ സ്വകാര്യതയുടെ ഭാഗമായി വിരാടും അനുഷ്‌കയും വാമികയുടെ മുഖം പരസ്യമായി ഒരിടത്തും വെളിപ്പെടുത്തിയിരുന്നില്ല. മാത്രമല്ല മാധ്യമങ്ങളോട് പോലും ഇരുവരും അഭ്യർത്ഥനകൾ നൽകുകയും ചെയ്തതിട്ടുണ്ട്. ഇപ്പോൾ സംഭവിച്ചത് സ്വകാര്യത ലംഘനമാണെന്നാണ് ഇരുവരുടെയും ആരാധകരടക്കം പറയുന്നത്.

സോഷ്യൽ മീഡിയയിൽ നിരവധിപേരാണ് എതിർപ്പറിച്ചെത്തിയത്. "ബ്രോഡ്കാസ്റ്റർ അവരുടെ സ്വകാര്യതയെ മാനിക്കണമായിരുന്നു," "വാമികയുടെ മുഖം കാണിച്ചത് തെറ്റായിപ്പോയി, പ്രത്യേകിച്ചും വിരാടും അനുഷ്‌കയും അങ്ങനെ ചെയ്യരുതെന്ന് പ്രത്യേകം ആവശ്യപ്പെട്ടു പോലും", " അവർക്ക് ആവശ്യമായ സ്വകാര്യതയെ മാനിക്കാതെ നിങ്ങൾ ചെയ്യുന്നത് മോശമായത് കാര്യമാണ്" എന്നിങ്ങനെയുള്ള പ്രതികാരങ്ങൾ ട്വിറ്റെറിലടക്കം നിറയുകയാണ്. മാത്രമല്ല വാമികയുടെ ചിത്രം പ്രചരിച്ചവർ അത് ഉടൻ തന്നെ നീക്കം ചെയ്യണമെന്നും ആവശ്യപ്പെട്ടു.

Next Story