Get the latest news at
your fingertips!
Download our app now
LIVE TV
Search
ഇന്നത്തെക്കാലത്ത് സ്മാർട്ട്ഫോൺ കൈയിൽ കൊണ്ടുനടക്കാത്തവർ ചുരുക്കമാണ്. കോൾ ചെയ്യുന്നത് മാത്രമല്ല, പാട്ടുകേൾക്കാൻ, വീഡിയോ കാണാൻ, എന്തിന് ഓൺലൈൻ മീറ്റിങ്ങുകൾ വരെ സ്മാർട്ട്ഫോണിലൂടെ സാധ്യമാണ്. ഇതെല്ലാം നടക്കണമെങ്കിൽ ഫോണിന്റെ സ്പീക്കറും കൃത്യമായി പ്രവർത്തിക്കണം എന്നൊരു കാര്യം കൂടിയുണ്ട്. സ്മാർട്ട്ഫോണിൽ പൊടി, അഴുക്ക് എന്നിവയൊക്കെ അടിഞ്ഞുകൂടുന്നതാണ് പ്രശ്നമാകുന്നത്.
ഫോൺ എപ്പോഴും നന്നായി മികച്ച ശബ്ദത്തോടെ ഒരു പ്രശ്നവുമില്ലാതെ പ്രവർത്തിക്കാൻ നിങ്ങൾ സ്ഥിരമായി ഫോൺ വൃത്തിയാക്കുകയാണ് വേണ്ടത്. നിങ്ങളുടെ ഫോൺ നിങ്ങൾക്ക് തന്നെ വൃത്തിയാക്കാൻ കഴിയുന്ന സിമ്പിൾ രീതികൾ അറിഞ്ഞിരിക്കുന്നത് നല്ലതല്ലേ? നിങ്ങളുടെ ഫോണിന് പ്രശ്നങ്ങൾ ഉണ്ടാക്കാത്ത സേഫ് രീതികൾ ഒന്നു പരീക്ഷിച്ച് നോക്കാം.
വൃത്തിയാക്കാന് ആരംഭിക്കുന്നതിന് മുമ്പ് ഫോൺ ഓഫ് ചെയ്യുകയാണ് ആദ്യം വേണ്ടത്. ഇങ്ങനെ ചെയ്യുന്നതോടെ നിങ്ങൾ വൃത്തിയാക്കുന്നതിനിടയിൽ അറിയാതെ ആവശ്യമില്ലാത്ത ബട്ടനുകളിൽ അമർത്തുന്നതും ഫോണിന് എന്തെങ്കിലും കേടുപാടുകൾ സംഭവിക്കുന്നതും ഒഴിവാക്കാം.
ഒരു സോഫ്റ്റ് ബ്രഷ് ഉപയോഗിച്ച് വൃത്തിയാക്കുന്നതാണ് ആദ്യം പരീക്ഷിക്കാവുന്ന രീതി. വൃത്തിയുള്ള സോഫ്റ്റ് ബ്രഷ്, ഇത് ടൂത്ത് ബ്രഷോ പെയിന്റ് ബ്രഷോ ആകാം. സ്പീക്കറിന്റെ വശത്ത് ഇവ മൃദുവായി ഉപയോഗിക്കാം. ഇതുവഴി പൊടിയും അഴുക്കും നീക്കം ചെയ്യാം. എന്നാൽ അധികം ബലം കൊടുക്കാതിരിക്കാൻ ശ്രദ്ധിക്കണം. കാരണം ഇങ്ങനെ ചെയ്താൽ പൊടിയും അഴുക്കും മറ്റും വീണ്ടും ഉള്ളിലേക്ക് പോകാൻ സാധ്യതയുണ്ട്.
കമ്പ്രസ്ഡ് എയർ ഉപയോഗിക്കുന്നതാണ് മറ്റൊരു മാർഗം. സ്പീക്കറിലേക്ക് ഇങ്ങനെ കാറ്റ് പതിയെ കടത്തിവിട്ടാൽ ഇത് പൊടി നീക്കം ചെയ്യും. കാറ്റ് ഒത്തിരി അടുത്ത് വച്ച് അടിക്കാതിരിക്കാൻ ശ്രദ്ധിക്കണം.
ടേപ്പോ സ്റ്റിക്കി പുട്ടിയോ ഉപയോഗിച്ചും നിങ്ങൾക്ക് പൊടി നീക്കം ചെയ്യാം. ഒരു കഷ്ണം ടേപ്പ് എടുക്കുക. ഇതിൽ ഒട്ടിപിടിക്കുന്ന ഭാഗം ഉപയോഗിച്ചാണ് വൃത്തിയാക്കേണ്ടത്. പതിയെ ഇത് സ്പീക്കറിലേക്ക് അപ്ലൈ ചെയ്യുക പിന്നാലെ നീക്കം ചെയ്യുക. ചെറിയ ദ്വാരത്തിലേക്ക് ഇവ കയറ്റുമ്പോൾ ശ്രദ്ധ വേണം.
അഴുക്ക് അടിഞ്ഞുകൂടിയാൽ ടൂത്ത്പിക്ക് ഉപയോഗിച്ചും ഫോൺ വൃത്തിയാക്കാം. ഇവ ഉപയോഗിച്ച് അകത്തേക്ക് ആഴത്തിൽ കുത്താൻ ശ്രമിച്ചാൽ സ്പീക്കർ കേടാകാം. വൃത്തിയുള്ള തുണി ഉപയോഗിച്ച് ഫോൺ തുടയ്ക്കുന്നതാണ് മറ്റൊരു രീതി. മൈക്രോഫൈബർ തുണികൊണ്ട് സ്പീക്കർ ഏരിയ ക്ലീന് ചെയ്യുന്നത് പരീക്ഷിക്കാവുന്നതാണ്.
വൃത്തിയാക്കിയ ശേഷം ഫോൺ ഓണാക്കുക. പാട്ടോ വീഡിയോയോ പ്ലേ ചെയ്യുമ്പോൾ മുമ്പത്തേക്കാൾ വ്യക്തമായി ശബ്ദം കേൾക്കാന് കഴിയും.
(ശ്രദ്ധിക്കുക ഈ ലേഖനം അറിവിന് വേണ്ടിയുള്ളതാണ്. ഇത്തരം കാര്യങ്ങൾ ചെയ്യുമ്പോൾ സൂക്ഷിക്കുക, ചെറിയ അബദ്ധം പോലും ഫോണിന് കേടുപാടുകൾ സംഭവിക്കാൻ കാരണമാകും.)
Content Highlight: Some tips to clean your Smartphones at home
