Top

ഖോര്‍ ഫക്കാന്‍ വിനോദസഞ്ചാരകേന്ദ്രം തുറന്ന് ഷാര്‍ജ

കനത്ത മഴയും വെള്ളപ്പൊക്കവും കാരണം ജൂലായ് 27നായിരുന്നു ക്ലൗഡ് ലോഞ്ച് ഉള്‍പ്പെടുന്ന വിശ്രമകേന്ദ്രം അടച്ചത്

5 Aug 2022 12:47 AM GMT
റിപ്പോർട്ടർ മിഡില്‍ ഈസ്റ്റ്

ഖോര്‍ ഫക്കാന്‍ വിനോദസഞ്ചാരകേന്ദ്രം തുറന്ന് ഷാര്‍ജ
X

ഷാര്‍ജ: പ്രതികൂല കാലാവസ്ഥയെ തുടര്‍ന്ന് അടച്ചിട്ടിരുന്ന ഖോര്‍ഫക്കാനിലെ പ്രധാന വിനോദസഞ്ചാരകേന്ദ്രമായ അല്‍ സുഹുബ് വിശ്രമകേന്ദ്രം സന്ദര്‍ശകര്‍ക്കായി തുറന്നു. ഷാര്‍ജ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി ട്വിറ്ററിലൂടെയാണ് വിവരം അറിയിച്ചത്. കനത്ത മഴയും വെള്ളപ്പൊക്കവും കാരണം ജൂലായ് 27നായിരുന്നു ക്ലൗഡ് ലോഞ്ച് ഉള്‍പ്പെടുന്ന വിശ്രമകേന്ദ്രം അടച്ചത്.

പര്‍വ്വത പ്രദേശത്ത് സ്ഥിതി ചെയ്യുന്ന ക്ലൗഡ് ലോഞ്ച് എന്നും അറിയപ്പെടുന്ന വിശ്രമ കേന്ദ്രം സമുദ്ര നിരപ്പില്‍ നിന്ന് 600 മീറ്റര്‍ ഉയരത്തിലാണ് സ്ഥിതി ചെയ്യുന്നത്. യുഎഇയുടെ കിഴക്കന്‍ തീരത്തിന്റെയും ഒമാന്‍ ഉള്‍ക്കടലിന്റെയും വിശാലമായ കാഴ്ച്ചകള്‍ സന്ദര്‍ശകര്‍ക്ക് ആസ്വദിക്കാന്‍ കഴിയുന്ന ഇടമാണിത്.

യുഎഇയുടെ വിവിധ പ്രദേശങ്ങളില്‍ മഴ തുടരുന്നതിനാല്‍ താഴ്ന്ന പ്രദേശങ്ങള്‍, അണക്കെട്ടുകള്‍ എന്നിവിടങ്ങളിലേക്ക് പോകുന്നവര്‍ ജാഗ്രത പുലര്‍ത്തണമെന്ന് അധികൃതര്‍ ഓര്‍മ്മിപ്പിച്ചിട്ടുണ്ട്. മണ്ണിടിച്ചില്‍, വെള്ളപ്പൊക്കം എന്നിവയുണ്ടായ പ്രദേശങ്ങള്‍ സന്ദര്‍ശിക്കുന്നതിനും വിലക്കുണ്ട്.

Story Highlights: Sharjah Reopened Khor Fokkan's Tourist Hotspot

Next Story