'പൊലീസ് നിയമം നടപ്പാക്കാനൊരുങ്ങുമ്പോള്‍ ജനങ്ങള്‍ ഞങ്ങളെ വില്ലന്മാരാക്കും'; ത്രില്ലടിപ്പിച്ച് 'തേര്', ട്രെയ്‌ലര്‍

'ജിബൂട്ടി'ക്ക് ശേഷം അമിത് ചക്കാലക്കല്‍ -എസ് ജെ സിനു കൂട്ടുകെട്ടില്‍ പുറത്തിറങ്ങുന്ന പുതിയ ചിത്രം 'തേരിന്റെ' ട്രെയ്‌ലര്‍ റിലീസ് ചെയ്തു. പൃഥ്വിരാജാണ് ട്രെയ്‌ലര്‍ റിലീസ് ചെയ്തത്. കുടുംബ കഥയുടെ പശ്ചാത്തലത്തില്‍ ആക്ഷന്‍ ത്രില്ലറായാണ് ചിത്രം അണിയിച്ചൊരുക്കിയിരിക്കുന്നത്. പൊലീസുകാരുടെ ജീവിതവും അവരുടെ സാമൂഹിക ചുറ്റുപാടുകളുടെയും കഥ പറയുന്ന ചിത്രമായിരിക്കും തേര് എന്ന് എന്ന് ട്രെയ്‌ലറില്‍ നിന്നും വ്യക്തമാണ്.

ബ്ലൂ ഹില്‍ നെയ്ല്‍ കമ്മ്യൂണിക്കേഷന്റെ ബാനറില്‍ ജോബി പി സാം ആണ് ചിത്രം നിര്‍മ്മിക്കുന്നത്. അമിത് ചക്കാലക്കലിനൊപ്പം കലാഭവന്‍ ഷാജോണ്‍, ബാബുരാജ്, വിജയരാഘവന്‍, ശ്രീജിത്ത് രവി, പ്രശാന്ത് അലക്‌സാണ്ടര്‍, പ്രമോദ് വെളിയനാട്, സഞ്ജു ശിവറാം എന്നിവരാണ് പോസ്റ്ററില്‍ ഒപ്പമുള്ളത്. അസീസ് നെടുമങ്ങാട്, സ്മിനു സിജോ, നില്‍ജ കെ. ബേബി, വീണ നായര്‍, റിയ സൈറ, സുരേഷ് ബാബു തുടങ്ങിയവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

ഡിനില്‍ പികെയാണ് ചിത്രത്തിനായി തിരകഥയും സംഭാണവും ഒരുക്കിയിരിക്കുന്നത്. ഛായാഗ്രഹണം: ടി ഡി ശ്രീനിവാസ്, എക്‌സിക്യൂട്ടിവ് പ്രൊഡ്യൂസര്‍: തോമസ് പി മാത്യൂ, എഡിറ്റര്‍: സംജിത് മുഹമ്മദ്, ആര്‍ട്ട്: പ്രശാന്ത് മാധവ്, പ്രൊഡക്ഷന്‍ കണ്‍ട്രോളര്‍: ബിജു കെ തോമസ്, ചീഫ് അസോസിയേറ്റ് ഡയറക്ടര്‍: അനിരുദ്ധ് സന്തോഷ്, സ്റ്റണ്ട്‌സ്: വിക്കി മാസ്റ്റര്‍, ദിനേശ് കാശി, കോസ്റ്റ്യൂം: അരുണ്‍ മനോഹര്‍, മേക്കപ്പ്: ആര്‍ജി വയനാടന്‍, സ്റ്റില്‍സ്: രാംദാസ് മാത്തൂര്‍, ഡിസൈന്‍: മനു ഡാവിഞ്ചി, എന്നിവരാണ് മറ്റ് അണിയറപ്രവര്‍ത്തകര്‍.

Story Highlights; Theru Malayalam movie trailer