Get the latest news at
your fingertips!
Download our app now
LIVE TV
Search
ന്യൂഡല്ഹി: സാമൂഹ്യ മാധ്യമ പ്ലാറ്റ്ഫോമായ എക്സ് സേവനം താല്ക്കാലികമായി തടസപ്പെട്ടു. ഇന്ത്യയില് രാത്രി ഏഴ് മുതല് ഏഴര വരെയാണ് സേവനങ്ങള് താല്ക്കാലികമായി തടസപ്പെട്ടത്. അമേരിക്കയിലും ഇന്ത്യയിലെ പല ഭാഗങ്ങളിലുമാണ് സേവനങ്ങള് ഏറ്റവും കൂടുതല് തടസപ്പെട്ടതെന്നാണ് ഡൗണ്ഡിറ്റക്ടര് റിപ്പോര്ട്ട് ചെയ്യുന്നത്.
അമേരിക്കയില് നിന്ന് മാത്രം ഏകദേശം 40,000 പേര്ക്കാണ് എക്സില് പ്രശ്നമുണ്ടായത്. എന്നാല് ഇന്ത്യയില് 3000 പേര്ക്കാണ് എക്സ് പ്ലാറ്റ്ഫോമില് ബുദ്ധിമുട്ട് നേരിട്ടത്. ലോഗ് ചെയ്യാനും പോസ്റ്റ് ചെയ്യാനുമുള്ള ബുദ്ധിമുട്ട്, റീഫ്രഷ് ചെയ്യാനുള്ള ബുദ്ധിമുട്ട് എന്നിവയാണ് ഏറ്റവും കൂടുതല് ഉപയോക്താക്കള് ചൂണ്ടിക്കാട്ടുന്നത്.
ആയിരക്കണക്കിന് പേര് ഇതിനോടകം തന്നെ സാമൂഹ്യ മാധ്യമങ്ങളില് സേവനം ലഭ്യമല്ലെന്ന് അറിയിച്ചിട്ടുണ്ട്. എക്സിന്റെ എഐ ചാറ്റ്ബോട്ടായ ഗ്രോക്കിന്റെ സേവനവും തടസപ്പെട്ടിട്ടുണ്ട്. വിഷയത്തില് എക്സിന്റെ ഭാഗത്ത് നിന്ന് ഇതുവരെ ഔദ്യോഗികമായി പ്രതികരിച്ചിട്ടില്ല. കഴിഞ്ഞ മാസം 13നും സമാന രീതിയില് എക്സ് പണിമുടക്കിയിട്ടുണ്ട്.
Content Highlights: X down for hundreds in India and USA there is no official announcement from X
